Login to your account

Username *
Password *
Remember Me

SEKoop Fó Pose Ba Membru Kooperativa Foun Na'in 25

SEKoop Elizario Ferreira foto hamutuk ho membru COPAS iha eskola Paulus VI Dili (16/10) SEKoop Elizario Ferreira foto hamutuk ho membru COPAS iha eskola Paulus VI Dili (16/10) Foto Tempo Timor

Tempotimor (Díli)-Papél governu nian ne'ebé atu halo dezenvolvimentu iha área kooperativa nian, mak ohin Sekretáriu Estadu Kooperativa (SEKoop) Elizário Ferreira fó tan pose ba membru kooperatuva foun hamutuk na'in 25.

Iha serimónia toma pose ne'e, Elizário dehan, Kooperativa Paulo VI (Koopas) harii hodi haforsa kresimentu ekonómia família iha eskola liuhusi involvimentu iha kooperativa.

Governante ne'e dehan, molok tama iha faze tomada pose ba membru sira, SEKoop hahú atividade formasaun ba membru foun sira hodi ko'alia kona-ba dezenvolvimentu lokál ne'ebé nia baze iha kooperativa.

"Ida ne'e bele akomoda kapitál finanseira ne'ebé mak sidadaun sira iha, liu-liu bele promove ba profesór sira, bele mós sai membru iha kooperativa hodi asegura dezenvolvimentu kapitál umanu iha Timor-Leste," hatete Elizário hafoin fó pose ba membru kooperativa sira iha Koléziu Paulo VI iha Akadiru-hun, Sesta (16/10).

Nia afirma, edukasaun mak baze ba dezenvolvimentu no vida ba estadu, tanba ne'e, ho prezenza kooperativa Koopas bele sai ezemplu ba eskola seluk hodi kontribui ba dezenvolvimentu ekonómia finanseira ho nível produsaun iha baze.

"Ami iha esperansa tomak, tanba kooperativa Koopas ho nia konselleiru ida inspiradór no motivadór bele lori kooperativa ne'e ba oin la'o di'ak liután," dehan nia.

Iha fatin hanesan, Prezidente Koopas, Orlando da Silva Casimiro katak,, Koopas eziste iha Koléziu Paulo VI tanba Pe. Luís Bonaparte mak dezafia profesór sira oinsa atu harii kooperativa iha eskola.

"Diretór ekipa Koléziu Paulo VI nian, Pe. Luis Bonaparte dehan, tanba sa profesór sira la harii koopetariva iha eskola, entaun husi ami ekipa ba halo konfirmasaun ida ho SEKoop hodi haforsa ami ho formasaun, entaun ami deside kedas hodi hari'i kooperativa ida ne'e," dehan nia.

Nia hatete, formasaun bázikhetan durante loron lima mak foka liu ba kontabilidade bázika.

"Ami nia negósiu ne'e, halai liu ba iha kréditu, maibé la taka dalan ba produtu seluk ne'ebé bele kontribui ba kresimentu ekonómiku nasaun nian, entaun ida ne'e maka ami ninia atividade negósiu prinsipál iha kooperativa," katak prezidente Koopas.

Prezidente ne'e mós esplika, bazeia ba desizaun asembleia nian katak atu sai membru ba kooperativa Paulo VI, kada ema tenke kontribui dolar $125.00.

"Atu sai membru tenke hatama dolar $125.00, tanba dolar $100 sei tau ba iha depozitu prinsipál, dolar $5 ba depózitu obrigatóriu kada fulan, no administrativu hatama dolar $20. Entaun agora ne'e ami iha kapitál dolar $1.500 mak iha kas kooperativa nian," dehan Casimiro.

Entretantu, membru na'in 25 ne'ebé hetan pose husi SEKoop ne'e kompostu husi Prezidente grupu, vise prezidente, sekretáriu, tezoreira, pontu fokal no membru sira seluk.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter