Login to your account

Username *
Password *
Remember Me

Kooperativa KHB: Membru 128, Akomoda Kapitál 35 Mill

Prezidente Kooperativa Haburas Bagia (KHB), Agostinho Guterres, koalia hela ho média sira iha postu administrativu Bagia, munisípiu Baukau, sexta (23/10). Prezidente Kooperativa Haburas Bagia (KHB), Agostinho Guterres, koalia hela ho média sira iha postu administrativu Bagia, munisípiu Baukau, sexta (23/10). Foto Tempo Timor

Tempotimor (Baukau)- Kooperativa Haburas Baguia (KHB) hahú nia ezisténsia iha loron 03 fulan Fevereiru tinan 2018 to’o ohin loron, halibur ona nia membru hamutuk na’in 128 no dadaun akomoda ona sira nia kapitál finanseira ho montante orsamentu rihun $35.

"Kooperativa ida ne’e haree liu ba área emprestimu ninian, no agora iha membru hamutuk 128 pesoas, ho nia kapitál finanseira agora iha $35 mill”, informa Prezidente Kooperativa Haburas Baguia (KHB) , Agostinho Guterres iha postu administrativu Baguia, sexta (23/10).

Nia konta, durante eziste tinan hirak nia laran, problema ne’ebé infrenta mak fahe informasaun ba suku sira, seidauk másimu, segundu mak koñesimentu sei mukit iha asuntu kooperativa nian.

“Entaun, ami forma ida ne’e, la’o ho kbi’it koñesimentu no kapasidade ami nian rasik, ida ne’e mak durante ne’e ami hasoru”, tenik nia.

Nia dehan, liu-hosi kréditu ne’ebé sira tau hamutuk, fasilita ona membru sira, tanba bainhira hetan difikuldade ruma kona-ba orsamentu atu selu oan sira nia eskola iha Baukau, sira halai ba kooperativa atu bele empresta osan ho nia tarjetu foti ne’e ho montante 1 mill tun mai kraik, no kada fulan mak sira bele selu ho nia funan pursentu 3 (3%) ba kraik.

Nia konsidera, ho treinamentu husi SEKoop, bele fó liu tan motivasaun ba sira, no fó mós koñesiementu hodi kapasita sira nia aan iha área akontabilidade atu bele avansa ba futuru.

“Ami sente katak, sura osan ou jere osan ne’e, ladun, maibé durante loron haat ami tuir treinamentu ida ne’e, bele aumenta tan ami nia koñesimentu iha área jestaun nian, bele jere osan oinsá tama no sai, halo relatóriu orsamentu ba kooperativa”, hatete nia.

Vise Prezidente Kooperativa Haburas Bagiua (KHB), Paulino Dias Marrís sente benefísia ona husi osan ne’ebé durante tau iha kooperativa, nia aproveita uza osan ne’ebé iha hodi kréditu uza ba selu sira nia estudu iha universidade, no membru lubuk ida mós komesa hala’o negósiu ki’ik-ki’ik, balu mós fasilita ona sira nia eskola.

“Maibé depois kuandu ami la’o neneik ba neneik, depois to’o agora tinan rua ba tolu ona, membru sira no hau ata mós sente iha benefísiu boot ba ami”, dehan nia.

Nia iha esperansa, ba futuru Kooperativa Haburas Bagia bele sai sentru ida atu bele hakuak kooperativa hotu ne’ebé eziste, bele hari’i nia baze iha suku sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter