SEKoop Prontu Apoia Kooperativa NEHEK Maununo

SEKoop Elizario Ferreira hasoru malu ho membru Kooperativa NEHEK Maununo SEKoop Elizario Ferreira hasoru malu ho membru Kooperativa NEHEK Maununo Foto Midia SEKoop

Tempotimor (Ainaru)- Sekretáriu Estadu Kooperativas (SEKoop), Elizário Ferreira prontu fó apoiu ba kooperativa Kreditu Union Negosiasaun Empresta Ekonómia Komunidade (NEHEK), iha Suku Maununo, Postu Administrativu Ainaru Villa, Munisípiu Ainaro.

Sekretaria prontu fasilita fasilidade ba Grupu refere, maibé tenki submete ba kooperativa kreditu ne'ebé mak ninia kapital boot ona, hanesan Kooperativa Kreditu Radefu iha Ainaro, atu nune'e bele hetan imprestimu kapital husi Federasaun Hanai Malu, no governu fasil atu kontrola iha futuru.

Kreditu Union Negosiasaun Empresta Ekonomia Komunidade (NEHEK), harii iha tinan 2013 ho membru inisiál hamutuk ema nain 20, kapital hamutuk osan $500.

Agora dadaun membru Kooperativa NEHEK aumenta ona ba 125 kompostu husi mane ema nain 85 no feto 40, ninia kapital motante $100,000.00.

Durante ne'e, kooperativa NEHEK hamoris tan grupu agrikultór sira hamutuk 15 iha Postu Administrativu Ainaro.

Xefe Suku Maununo, Valenta Ramos Vianco agradese ba prezensa SEKooP nian iha sira nia suku, liu-liu ba grupu kooperativa sira.

Vizita ne'e hanesan motivasaun ida hodi enkoraja kooperativas atu hadiak liu tanba durante governu troka malu dala ualu ona, maibé foin dala uluk mak suku refere hetan vizita husi SEKoop.

Nune'e mós xefe NEHEK, Sabino Ramos hato'o sira nia difikuldade hirak ne'ebé durante sira enfrenta ba SEKooP.

"Durante ne'e ami nia problema ne'ebé sempre hasoru mak hanesan, menus rekursu umanu, presiza fó formasaun no kapasitasaun liu-liu iha área kontabilidade nian, falta bee mos", dehan Sabino iha Ainaro tersa (27/10).

Dirijenti ne'e mós subliña, durante ne’e sira nia aktividade mak hanesan, rai no impresta osan, hakiak manu boiler, manu timor, hakiak ikan, kuda modo, no selu-sluk tan no iha futuru NEHEK planeia ona atu hakiak tan fahi no karau.

Hafoin hala'o reuniuan ho Grupu NEHEK SEKoop mos vizia ba fatin hakiak manu boiler 500 resin, manu timor, kolam hakiak ikan.

Rate this item
(0 votes)
Last modified on Wednesday, 28 October 2020 18:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks