Preokupasun ne'e hahu mosu, tanba Deputada Maria Angelina hare katak, liga ba problema bee moos ne'ebé povu ejizi to'o agora governu tau deit orsamentu hamutuk miliaun $3.449, enkuantu osan ne'ebé atu sosa komputadór ne'e governu preve kedas miliaun $41.588.
Angelina hato'o deklarasuan hodi kestiona liu husi audiénsia públika ne'ebe halo husi komisaun C no komisaun E ho Ministeriu Obras Píblika (MOP) Ministériu Planeamentu no Ordenamentu (MPO) no Ministériu Transporte no Komunikasaun (MTK), iha sala plenaria Parlamentu Nasionál, Kuarta (11/11).
Nia konsidera oras ne'e povu prezisa tebes mak bee moos tanba ne'e nia hare katak governu presiza hare fila fali fundu infraestrutura ho montante $41,588, oinsa mak tau oitoan ba infraestrutura bee moos.
Tanba tuir nia, durante ne'e komisun sira hala’o kontaktu eleitorál iha baze, povu nia nesesidade prioritáriu liu mak água no saneamentu maibé iha área refere Governu tau de’it millaun $3.449.
“iha livru panorama orsamentál prevee kedas millaun $41.588 hodi kompra ekipamentu komputadór, durante ami halo kontaktu eleitorál povu nia nesesidade liu mak água no saneamentu,” deputada PLP ne’e kestiona.
Nia husu atu Prezidente Konsellu Administrasaun Fundu Infraestrutura (KAFI) no Vise-Primeiru mINISTR, José Reis atu argumenta razaun ne’ebé halo governu prioritiza liu sosa ekipamentu komputadór iha OJE 2021.
Entrentantu Governu prevee Fundu Infraestrutura (FI) ba tinan fiskál 2021 ho montante millaun $339.605 ne’e kompostu hosi rihun $32 ba saláriu vensimentu, millaun $1.040 ba bens (sasán) servisu no millaun $338.533 ba kapitál dezenvolvimentu.
Hosi Fundu Infraestrutura ne’e mós prevee rihun $60 ba boa governasaun no jestaun institusionál, setór agrikultura millaun $3.798, água no saneamentu millaun $3.449 de’it, dezenvolvimentu urbanu no rurál millaun $6.190, edifísiu públiku millaun $7.693, edifísiu edukasaun millaun $4.843, enérjia elétrika millaun $18.321.
Iha Fundu Infraestrurura ne’e mós prevee millaun $4.844 iha saúde, seguransa no defeza millaun $13.884.
Hosi fundu infraestrutra ne’e mós prevee ba solidariedade sosiál millaun $1.000, projetu tasi mane millaun $8.500, aeroportu millaun $19.843, preparasaun dezeñu no supervizaun ba projetu foun millaun $9.441, estrada millaun $105.215, ponte millaun $4.896, portu millaun $1.814, programa ba setór turizmu rihun $ 652, programa empréstimu millaun $70.700, programa setór finansa millaun $2.905, Sekretariadu Estadu Juventude no
Desportu millaun $2.034, Komisaun Administrasaun Fundu Infraestrutura (KAFI) millaun $1.011, programa manutensaun no reabilitasaun millaun $6.924.
PUBLISIDADE