Nia koalia ne'e tanba hanesan KKFP mensiona hela katak, Timor-Leste nia RSE deit sei la kobre ona Despeza ne'ebe governu propin.

Ne'e duni, nia dehan atu tuir RSE ida ne'e, minimu tenke iha esforsu ne'ebé radikal oitoan, ou se lae governu mós bele fó justifikasaun ne'ebé kle’an katak, despeza ida ne'e sei tau ba Timor-Leste nia intrese ba tempu naruk.

"Kuandu la redús despeza no la aumenta rendimentu, inposível atu la’o hanesan ho RSE. Entaun, iha mós lei fundu petrolíferu ne'e mensiona ona katak, kuandu atu foti liu RSE, governu iha obrigasaun atu justifika ba Parlamentu Nasionál katak, despeza hirak ne'e ba interese TL ba tempu naruk nian,"Juvinal hateten, hafoin partisipa audiénsia publika OJE 2021 iha PN, Segunda (16/11).

Kona-ba foti liu RSE ne'e nia mos observa katak despeza rekorente ne'e deit hamutuk millaun $1.3, kuandu halo kalkulu RSE ne'e millaun $540, entaun ida ne'e defende ba desizaun husi deputadu sira nian katak, rekorente ne'e hola parte husi justifikasaun ba Timór nia tempu naruk ka lae.

Tuir nia, Parlamentu Nasionál presiza hare tau atensaun tanba ida ne'e mak sei sai justifikasaun no razaun ba deputadu sira atu desidi, maibe iha oportunidade ne'e KKFP hanesan fo apoiu ninia opiniaun deit.

Nia konsidera investimentu tempu naruk ne'e ko’alia ona iha lei, no ida ne'e bele fó posibilidade atu governu investe iha be moos, saúde, agrilultura, edukasaun no kriasaun kampu de traballu.(*)

PUBLISIDADE