Tuir Diretór Jerál Turizmu José Dias katak, komemorasaun loron proklamasaun independénsia Timor-Leste ba dala-45 ne'e sei realiza iga munisípiu Likisa.
"Totál partisipantes ne'ebé rejístadu no konfirmadu partisipa iha eventu feira nasionál hodi festeza ba loron proklamasaun independénsia TL ne'e hamutuk guru 129, ne'ebé kompostu husi komersial ho non-komersial", hateten José Dias Quintas liuhusi konferénsia imprénsa ne'ebé hala'o iha Sentru Informasaun Turízmu iha Lecidere Díli, Sesta (20/11).
Nia dehan, partisipantes ho kategória komersial hamutuk 87, no kategória non-komersial hamutuk 42 no grupu sira husi Likísa rasik hamutuk 83 no Díli hamutuk 46. Nune'e haree katak iha grupu komersiál barak liu mak partisipa iha feira nasionál refere.
Nia hatutan, liuhusi atividade komersial hirak ne'e, bele kontribui mós ba rekuperasaun ekonómika iha ámbitu Covid-19.
"Ita-hotu espera katak, ho eventu feira nasionál 28 Novembru ne'e, bele fó benefísiu ekonómikamente ba negosiante sira espesiálmente iha munisípiu Likísa, tanba feira ne'e rasik realiza durante semana ida, husi loron 22 to'o 28 Novembru," nia hatete.
Entretantu, totál orsamentu ne'ebé MTKI prevé ba komemorasaun loron importante ne'e hamutuk rihun $42 no tema jerál mak "Hamutuk Garantia Saúde Públiku no Rekuperasaun Ekonómia Nasionál" no sub-tópiku ba feira nasionál maka "Mai Hamutuk Ita Promove Turízmu Domestika".(*)