Elizário Enkoraja Estudante UNDIL ho Lei Kriasaun Kooperativa

Sekretáriu Estadu Kooperativa (SEKoop), Elizário Ferreira (klaran), Eis dekanu Fakuldade Ekonómia (karuk), atual Dekanu Fakuldade Ekonómia, Alfedo Pires (loos), hasai fotografia hamutuk ho estudante sira molok ensera semináriu iha kampus UNDIL Kinta-boot, sexta (04/12). Sekretáriu Estadu Kooperativa (SEKoop), Elizário Ferreira (klaran), Eis dekanu Fakuldade Ekonómia (karuk), atual Dekanu Fakuldade Ekonómia, Alfedo Pires (loos), hasai fotografia hamutuk ho estudante sira molok ensera semináriu iha kampus UNDIL Kinta-boot, sexta (04/12). Foto Tempo Timor

Tempotimor (Díli)- Sekretáriu Estadu Kooperativa (SEKoop), Elizário Ferreira esplika baze legál ka lei iha Konstituisaun Repúblika Demokrátika Timor-Leste (RDTL) ne’ebé fó dalan ba kriasaun kooperativa ba estudante fakuldade ekonomia Universidade Dili (UNDIL), Kintal-boot, Sesta (04/12).

Objetivu husi esplikasaun ba lei ne’e tanba Elizário hakarak atu tulun estudante sira bainhira remata eskola bele kria rasik kooperativa, hanesan mós kriasaun auto-emprégu ka hamosu servisu ba aan-arsik.

SEKoop hateten, iha konstituisaun Repúblika Demokrátika Timor-Leste (RDTL) iha lei tolu mak ko’alia kona-ba kooperativa, ida maka artigu 50 (5) ne'ebé hatetetn, estadu promove kriasaun ba kooperativa sira nu'udár meius ida halo kriasaun ba kampu traballu hodi kontribui ba reduz kiak, no hamenus mós dezempregu.

Segundu mak artigu 59 (3) hateten katak, estadu rekoñese no fiskaliza ensinu privadu no ensinu kooperativa.

“Ida ne'e katak, kooperativa mós bele hari'i ninia ensinu rasik ka bele harii iha eskola sira”, ELizário hateten.

Governante ne’e hatutan, iha artigu 138, mós hateten katak, kontribuisaun ekonómika TL nian asenta ka hatuur iha konjugasaun ida ho forma komunitária ne’ebé nia baze iha seitór públiku, privádu no kooperativa.

“Bainhira haree ba artigu sira iha leten, hatudu katak, konstituisaun RDTL ko’alia ekonomia TL nian adota sistema ekonomia-místa tanba mosu tan seitór kooperativa oioin”, nia subliña.
Tanba ida ne'e mosu iha konstituisaun ne'e ko’alia kona-ba konseitu ekonomia- místa, ne'ebé bazeia ba kultura no espíritu solidarízmu sira ne'ebé eziste iha Timor-Leste.

Funsionamentu kona-ba kooperativa, nia hatutan, bazeia ba dekretu lei númeru 16/2004, ne'ebé hateten kona-ba forma oinsá atu harii kooperativa, tanba iha dekretu lei ne'e define ramu hamutuk 14 iha kooperativa.

“Inklui kooperativa ensinu, ne'e katak, universitáriu sira bele hari'i mós kooperativa, eskola sira bele harii kooperativa, ema agrikultór sira bele harii kooperativa, ema enjiñeiru sira bele hari'i kooperativa hodi halo abitasaun, oioin”, nia tenik.

Maske nune'e, nia dehan, husi ramu kooperativa 14 ne'e, foin iha 4 de'it mak funsiona no seluk ema seidauk book, tanba ne'e nia husu ba estudante sira atu bele harii tuir sira nia abilidade, koñesimentu oinsá atu mobiliza no kria rasik oganizasaun kooperativa.

“Entaun, ita-boot sira bele hola koñesimentu atu bele hari'i kooperativa hodi kria kampu traballu ba ita nia-aan, kria ekonomia iha ita nia populasaun nia leet, ba mós sosiedade atu kontribui ba ita-nia kresimentu ekonomia nasionál ba dezenvolvimentu Timor-Leste”, nia hakotu.(*)

Rate this item
(0 votes)
Last modified on Saturday, 05 December 2020 10:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks