SEKoop Sei “Loby” ho UNTL, Hari'i tan Departamentu Jestaun Kooperativa

Sekretáriu Estadu Kooperativa (SEKoop), Elizário Ferreira (klaran), Eis dekanu Fakuldade Ekonómia (karuk), atual Dekanu Fakuldade Ekonómia, Alfedo Pires (loos), iha seminar ida iha INDIL Sekretáriu Estadu Kooperativa (SEKoop), Elizário Ferreira (klaran), Eis dekanu Fakuldade Ekonómia (karuk), atual Dekanu Fakuldade Ekonómia, Alfedo Pires (loos), iha seminar ida iha INDIL Foto File

Tempotimor (Díli)- Sekretária Estadu Kooperativa (SEKoop) planeia ona sei “loby” ho dirijente sira Universidade Nasionál Timor-Lorosae (UNTL) oinsá konsentra ideias no polítika hodi hari'i tan Departamentu Jestaun Kooperativa.

“Kuandu halo lansamentu ba livru rua ne'ebé maka ha’u hakerek ho lei ida iha 2010, no ida iha 2012. Entaun, iha 2012 ne'e ami servisu hamutuk ho Cristál, kria departamentu Jestaun Kooperativa ida iha Cristál, iha UNITAL, no agora daudaun sei ko’alia hela UNTL atu kria departamentu ida iha ne'ebá, kona-ba jestaun kooperativa nian”, SEKoop Elizário Ferereira hateten ba estudante fakuldade ekonomia iha kampus UNDIL Kinta-boot, Sesta (04/12).

Elizário esplika, razaun atu estabelese tan departamentu Jestaun Kooperativa iha universidade sira, ho objetivu atu produz ema ho nível lisensiadu ida ne'ebé mak bele kria rasik auto-empregu ba nia aan.

“Kuandu ita sai husi universidade maka iha dezempregu, ne'e ladun diak. Entaun, ha’u motiva Ita-boot sira atu la'o ho ida ne'e”, nia ekonraja.
Nia hatutan, perfil populasaun TL nian ho totál millaun 1.5, maibé durante tinan 20 nia laran bainhira sira la'o iha kooperativa to'o ohin loron, ema foin rihun 48 mak sai membru iha kooperativa.

Husi númeru ne'e hatudu katak, ema foin 0.5% de'it mak partsipa iha kooperativa no maioria mak seidauk to'o tarjetu.

Nia konsidera kooperativa importante iha TL nia ekonomia tanba nia tuur nu'udár seitór terseiru iha TL nia ekonomia, enkuantu iha dekretu lei mós define kona-ba kooperativa nu’udár asosiasaun ema nian, la'ós asosiasaun ba osan nian.

“La'ós asosiasaun rikusoin nian, maibé asosiasaun ema nian. Ida ne'e katak ema mak halibur malu atu kria kooperativa ne'e bele funsiona halo didi'ak. Iha lei define klaru ona, oinsá atu kria kooperativa, oinsá fahe rikusoin, oinsá fahe ninia jurus, ho sira ne'e hotu”, nia hateten.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks