SEKoop Hahú Teste Dahuluk ba Funsionáriu Na'in-54

Sekretária Estadu Kooperativa (SEKoop), Elizário Ferreira akompania hela fungsionariu ne'ebe hola parte iha teste ba funsionáriu SEKoop nain 54 molok hetan sertifikasaun iha nivel formadór nian, Kinta (21/01). Sekretária Estadu Kooperativa (SEKoop), Elizário Ferreira akompania hela fungsionariu ne'ebe hola parte iha teste ba funsionáriu SEKoop nain 54 molok hetan sertifikasaun iha nivel formadór nian, Kinta (21/01). Foto Midia SEKoop

Tempotimor (Dili)- Iha kinta ohin (21/01) Sekretária Estadu Kooperativa (SEKoop), hahú realiza teste dahuluk ba nia funsionáriu sira hamutuk na'in lima-nulu-resin-haat (54), molok hetan rekoñesimentu sertifikasaun iha nível formadór nian husi Institutu Nasionál Dezenvolvimentu Maun-de-Obra (INDMO).

Sekretáriu Estadu Kooperativa (SEKoop), Elizário Ferreira hatete, liuhusi formasaun ne'ebé halo, atu-bele eleva funsionáriu sira-nia kapasidade hodi koñese realidade sira- neebé mosu, liuliu iha servisu kooperativa nian.

Elizário husu funsionáriu sira atu- bele prepara-aan ho di'ak liuhusi domina matéria, nune'e bele hetan valór ne'ebé di'ak, tanba la'os fásil atu hetan sertifikadu ida iha nível formadór nian.

"Ha'u hanoin, ida-ne'e mak atu hato'o, keta haluha imi-nia valór determina hahú husi imi-nia ko'alia dominasaun matéria, imi-nia hatais no imi- nia tempu", dehan SEKoop, Elizário Ferreira durante halo abertura formasaun teste ba funsionáriu sira iha Fundasaun Hanai Malu (FHM) iha Lanud, Bairru-Pité, kinta (21/01).

Nia esplika, iha formasaun teste ne'e, ema ida hetan matéria rua ho durasaun tempu durante minutu 10, no bainhira timer lian, partisipante sira rasik tenke para ona bazeia ba orientasaun tempu.

"Ne'ebé hatene hela, matéria ne'e fó-sai hela, katak ema ida menutu 10, ha'u hanoin imi hatene ona, tanba ninia giaun ne'e imi hotu-hotu hetan ona, entaun tenke utiliza másimu tempu ne'e para bele ko'alia ho did'iak", nia fó hanoin.

Nia mós agradese ba Institutu Nasionál Dezenvolvimentu Maun-de-Obra (INDIMO), tanba prezensa hodi akompaña prosesu teste ne'ebé SEKoop rasik mak atribui.

Ofisiál Programa Kualifikasaun husi Institutu Nasional Dezenvolvimentu Maun-de-Obra (INDIMO), Arlindo da Costa esplika, INDIMO iha opsaun tolu ne'ebé uza atu determina no fó sertifikasaun ba formandu ida, iha nível formadór nian.

Nia dehan, bainhira iha rezultadu mak hatudu sira balu ne'ebé presiza tán formasaun ida perfeitu liu, mak sira sei servisu hamutuk ho exelénsia ho SEKoop inklui funsionáriu sira hotu, no parte INDMO sei enkamiña partisipante sira atu-bele ba kompleta formasaun iha sentru akreditasaun nian, iha sertifikadu nível III nian liuhusi formasaun no avaliasaun trainning ninia asesmentu ka bele to'o iha nível IV.

"Maibé, sé enkuantu rezultadu ida-ne'e hatudu katak bazeia esperiénsia sira- ne'ebé Ita-boot sira iha, hatudu katak Ita-boot sira iha karreira ida-ne'ebé di'ak no ita ajusta de'it buat balu, entaun INDIMO sei toma responsábilidade ida ne'e atu fornese tán informasaun balu ne'ebé iha ligasaun ho formadór ninian, depois ita bele tama ona ba rekoñesimentu", hatete nia.

Husi opsaun seluk tan, nia dehan, bainhira funsionáriu sira-ne'ebé nia rezultadu hetan ona valór ida di'ak, tuir formuláriu avaliasaun ne'ebé determina, maka parte INDMO sei fó rekoñesimentu direta.

"Tanba ne'e, produsaun sertifikasaun valór sira-ne'e, INDIMO sei rekoñese bazeia ba sistema kualifikasaun nasionál ninian tuir padraun ne'ebé iha ona", dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks