SEKooP, Elizário Ferreira dehan, sekretáriu estadu ida uluk diferente, tanba agora buka oinsá mak atu halo osan buras iha kooperativa sira hodi bele iha ninia sustentabilidade.

Tinan ida ne'e, iha grupu hamutuk 200 to'o 300-resin mak iha ona ajenda, tanba iha grupu kooperativa balu harii ho inisiativa rasik, maibé barak mós aprezenta aan liu-husi kooperasaun ho grupu sira oioin.

"Tanba ida ne'e, sekretaria estadu sei kria kooperativa kréditu, ne'ebé kada postu ida sei kria kooperativa kreditu ida", dehan SEKooP, Elizário Ferreira iha nia kna'ar fatin Akait, sexta (19/02/21).

Husi Postu administrativu hamutuk 65 neebé eziste iha Timor-Leste, maibé iha postu hamutuk 33 mak iha ona kooperativa kreditu.

"Sira ne'e sekretária estadu sei akompaña sira nia sustentabilidade, asegura sira nia estabilidade finanseira no ekonómika", hatete nia.

Tanba ne'e, nia husu ba kooperativa sira ne'ebé eziste ona ho kuantidade hamutuk 15 ba leten, bele adere ba Federasaun Hanai Malu (FHM) atu asesu ba kapitál liu-husi fó kréditu. (*)