Tuir Elizário Ferreira, progresu husi distribuisaun ai-han Cesta Bázika ne'e, ekipa SEKoop hamutuk kompañia implementadór sira distribui ona ba benefisiáriu sira ho pursentu 84% husi totál populasaun hotu.
"Ami nia responsábilidade ba semana ida ne'e bele hatete katak to'o ona iha pursentu 84%, dadus horseik lorokraik nian hatudu katak iha pursentu 84,2% maka benefisia ona, husi distribuisaun cesta bázika, sei iha ema kuaze rihun 80 husi total 432,000 maka sei responsabiliza ba SEKoop nia distribuisaun i ba oin ita sei termina husi ida ne'e," relata Elizário Ferreira ba www.tempotimor.com iha salaun sorumutuk Federasaun Hanai Malu iha Lanud Bairru-Pite, Kuarta (24/02).
Governante ne'e afirma, munisípiu sira ne'ebé durante ne'e SEKoop responsabliza hodi distribui ai-han sesta bázika mak hanesan, Covalima, Ainaro, Manufahi, Aileu, Likisa, Manatutu no Lautém. Ne'ebé husi munisípiu hitu ne'e iha postu administrativu 30, suku 138 ho nia totál populasaun rihun 432,199.(*)