Print this page

Governu Hahu Inisia Kriasaun Parke Industrial Iha TL

By February 24, 2021 1111
Ministru Turizmu, Komérsiu no Indústria (MTKI), José Lucas da Carmo da Silva Ministru Turizmu, Komérsiu no Indústria (MTKI), José Lucas da Carmo da Silva FOTO Arkivu

Tempotimor (Dili)- Governu hahu inisia analizasaun komisaun kordenasaun ba implementasaun parke industrial (KKIP) ho intensaun atu instala no operasionalizasaun parke industrial sira iha Timor-Leste (TL).

Governu halo analiza hafoin Ministru Turizmu, Komérsiu no Indústria (MTKI), José Lucas da Carmo da Silva halo aprezentasaun KKIPI iha reuniaun Konsellu Ministru ne'ebé lidera husi Vice-Primeira Ministra, Armanda Berta dos Santos, iha palásiu governu, loron kuarta 24 fulan fevereiru tinan 2021.

Ministru Prezidensia Konsellu Ministru Fidelis Leite Magalhães afirma, Komisaun ne'e mosu ho misaun atu kordena no analiza paresér no estudu multidixiplinár ne’ebé presiza ba redasaun projetu atu lejizlativu no polítiku sira.

Parke industrial ne'e hanesan zona industrial, entaun Konsellu Ministru apresia ho inisiativa refere.

"Konsellu Ministru rona inisiu proposta rezolusaun Ministru Turizmu, Komérsiu no Indústria (MTKI), José Lucas da Carmo da Silva kona-bá komisaun kordenasaun ba implementasaun parke industrial (KKIP)", dehan Nia liu-husi konferensia imprensa hafoin reuniaun Konsellu Ministru iha palásiu governu, kurta (24/02/21).

Komisaun ne'e importante, tanba atu asegura implementasaun no kondusaun husi parte Ezekutivu nian ba hari programa parilki industrial, ne'ebé maka ho objetivu lori liu-tan investimentu sira mai iha ita nia rain.

"Membru governu sira iha vontade ne'ebé boot atu kolabora hamutuk ho Mnistru Turizmu, Komérsiu no Indústria (MTKI), para avansa lalais ho programa ida ne'e", Nia akresenta

Nune'e, Konsellu Ministru ohin desidi materia proposta ne'e naton de'it atu hatur tuir despaixu Primeiru Ministru Taur Matan Ruak nian.

"Entaun, habadak katak, Konsellu Ministru apresia proposta refere no apoiu inisiativa atu hari parke industrial ne'ebé mak lidera husi inisiu proposta rezolusaun Ministru Turizmu, Komérsiu no Indústria (MTKI)",tenik Nia

Proposta ne'e, MTKI sei aprezenta fali ba Primeiru Ministru, Taur Matan Ruak, atu bele halo despaixu ida hodi hari no formaliza komisaun kordenasaun teknika ida ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com