Print this page

Sesta Bázika: Governu Halo Ona Pagamentu ba Kompañia 25 ho Pursentu 70%

By February 25, 2021 1290
Produtu sira ne'ebe fahe iha Cesta Bazika prontu ona hodi fahe ba komunidade sira, Kuarta (23/2) Produtu sira ne'ebe fahe iha Cesta Bazika prontu ona hodi fahe ba komunidade sira, Kuarta (23/2) Foto Tempo Timor

Tempotimor (Dili)-Governu liuhusi Ministériu Finansas (MF) halo ona pagamentu ba kompañia 25 ne'ebé durante ne'e sai implementadór Sesta Bázika hamutuk ho Sekretáriu Estadu Kooperativa (SEKoop).

Tuir Elizário Ferreira, kompañia implementadór sira ne'ebé durante ne'e servisu hamutuk ho SEKoop hodi hala'o atividade distribuisaun aihan Sesa Bázika ba populasaun sira programa rekuperasaun ekonómika, kuaje pursentu 70% mak governu halo ona pagamentu ba sira.

Elizário haktuir, bainhira iha prosesu aplikasaun dokumentu, iha kompañia hamutuk 69 mak submete sira nia dokumentu ba SEKoop , hodi halo avaliasaun ba ida ne'ebé mak prienze kritériu hodi distribui sesta bázika ba populasaun sira. Maibé iha rezultadu katak kompañia 27 mak sai manan na'in, maibé iha kompañia rua mak diskualifikadu entaun hela kompañia 25 de'it mak eziste.

"Pagamentu ba kompañia implementadór sira hahú ona iha segunda ne'e, parte ministériu implementadór reuni ona i osan iha ona no halo ona pagamentu kuaze pursentu 70% ba kompañia sira ne'ebé sai hanesan implementadór," dehan Elizário ba www.tempotimor.com iha Lanud Bairru-pite, Kuarta (24/2).

Nia hatutan, atu kompleta pagamentu, presiza kompañia sira konklui ona distribuisaun ba ai-han Sesta Bázika, depoia mak Ministériu Finansas kompleta pagamentu, nune'e bele atinje 100%.

"Komesa semena ida ne'e, dalaruma osan iha ona, ne'ebé sei tama iha ida-idak nia konta bankária," tenik Nia.(*)

Rate this item
(0 votes)
Last modified on Thursday, 25 February 2021 00:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items