Tuir Sekretáriu Estadu Kooperativa, Elizário Ferreira, kooperasaun entre SEKoop ho LEPENKOP Indonézia sei haree ba asuntu r formasaun no estudu komparativu ne'ebé husi Indonézia bele halo iha Timor-Leste no husi Timor-Leste bele ba halo iha Indonézia.
"Asinatura ida ho indonézia ne'e atu asegura formasaun ba formadór sira, organizadór sira, motivadór sira, atu nune'e bele motiva, organiza no eduka ita-nia povu atu hatene saida mak kooperativa, hodi halo parte iha vida koperativízmu," Hatete Elizário hafoin asina nota intendimentu ho parseiru LEPENKOP iha edifísiu SEKoop, Tersa (2/3).
Nia afirma, formasaun refere ne'ebé Lembaga Pendidikan Kooperasi atu apoiu ba SEKoop ne'e sei espesifika de'it ba formadór sira ne'ebé atu asegura ba formasaun nivel baze nian.
"Kooperasaun ne'e foin maka liuhusi memorandu ne'e i ajendadu hela atu komesa iha loron 25 ba formasaun dahuluk nian", dehan nia.(*)