Feto Na'in-8 Lidera Kooperativa Kréditu

Sekretáriu Estadu Kooperativa (SEKoop), Elizário Ferreira koalia hela ba jornalísta sira iha Lanud Bairru Pite, kuarta (03/03). Sekretáriu Estadu Kooperativa (SEKoop), Elizário Ferreira koalia hela ba jornalísta sira iha Lanud Bairru Pite, kuarta (03/03). FOTO Tempo Timor

Tempotimor (Dili)— Governu liuhusi Sekretaria Estadu Kooperativa (SEKoop) fó-sai katak, dadaun ne'e kooperativa kreditu sira ne'ebé eziste iha Timor-Leste, hamutuk hitu-nulu-resin-ida (71), maibé husi númeru ne'e, iha kooperativa ualu (8) mak lidera husi feto.

SEKoop, Elizário Ferreira informa tuir estatístika kooperativa ualu ne'e akomoda ona nia membru ativu sira hamutuk rihun 16 ne'ebé lideransa feto.

Tuir nia, iha kooperativa feto sira mak halo jestaun di’akliu, negósiu di'ak mós feto, dezenvolvimentu empréstimu mós feto di'akliu.

“Maibé, atu hatete de'it katak lideransa feto ne'e iha kooperativa ualu mak lideransa feto, husi kooperativa 71 ne'e, iha ualu mak lidera husi feto, maibé iha haat mak avansadu liu NO haat seluk ne'e la la'o la'e, sira la'o,” nia ko’alia iha Federasaun Hanai Malu (FHM), Lanud, kuarta (03/3).

Nia hatutan, kooperativa ualu ne'ebé lidera husi feto sira ne'e, barak liu mak hala'o atividade kooperativa nian hanesan liuhusi liña kreditu, sosa osan no fa’an osan.

Maske nune'e, nia dehan, SEKoop nia programa seluk ida mak eduka nia membru sira atu foti osan ne'ebé sira empresta ne'e bele halo atividade produtivu, inklui atividade artezenatu sira hanesan human no suru-tais.

“Tanba ida-ne'e mak maioria grupu sira kooperativa ne'ebé lideransa feto ne'e, barak liu ba artezenatu sira, homan, halo tais no suku, mais ba mane sira-ne’e ba programa barak liu,” tenik nia.

Nia haklaken, kooperativa kréditu ualu ne'ebé feto sira lidera maka Kreditu Uniaun Hisik Kosar Had'ia Moris (KU-HIKHMOR) iha Munisípiu Aileu, Lakon Nakukun Mosu Naroman (LANAMONA), iha Bobonaro, KU-Builale iha

Postu Administrativu Ossú, Feto Haksolok iha Tuanalaran, Dili, Haat seluk iha Likisá, Maliana rua no rua iha Dili.

"Menus kooperativa ne'ebé lidaransa feto iha Railaku kraik, maka sira iha 22 grupu produtivu, mais barak liu foka ba ortikultura ho grupu ida de'it mak ba artezenatu,” hatete nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter