Print this page

Kooperativa Kréditu 6 husi Vikeke Partisipa Formasaun Kona-ba Jestaun

Sekretáriu Estadu Kooperativa (SEKoop), Elizário Ferreira  hato'o hela diskursu ba Feto sira iha selebrasaun loron Mundia Feto iha SEKoop nia kna'ar fatin Akait, Dili (8/3) Sekretáriu Estadu Kooperativa (SEKoop), Elizário Ferreira hato'o hela diskursu ba Feto sira iha selebrasaun loron Mundia Feto iha SEKoop nia kna'ar fatin Akait, Dili (8/3) Foto Tempo Timor

Tempotimor (Dili) - Grupu kooperativa kréditu hamutuk neen (6) husi munisípiu Vikeke partisipa formasaun kona-ba jestaun ninian ne'ebé realiza husi Sekretáriu Estadu Kooperativa (SEKoop).

Formasaun ne’e hodi hasa'e kuñesimentu membru sira atubele jere kapitál kooperativa di'ak no ha nia sustentábilidade.

Sekretáriu Estadu Kooperativa (SEKoop), Elizário Ferreira hatete, formasaun refere oferese liuba dirijente kooperativa sira husi munisípiu Vikeke atubele oinsá sai jestór ida di'ak.

"Grupu neen ne'e, hamutuk ema besik 120 mak partisipa kompostu husi grupu ida ema na'in-20. Entaun, formasaun ne'e la'o simultaneamente no ami orienta atu formasaun sira la'o nafatin, maibé mantein regra ne'ebé husi Saúde fó sai ona ba públiku", esplika Elizário hafoin selebra loron Internasional Feto iha Akait, segunda (08/03).

Matéria ne'ebé ko’alia iha formasaun ne'e liga oinsá mak atubele jere kooperativa ho di'ak, no oinsá atubele hamosu produtu inovativu hodi oferese ba merkadu sira.

"Sira ne'ebé partisipa iha formasaun ne'e, barak mak husi jestór sira kooperativa kreditu nian, tanba sira tenke prepara-an di'ak liután atubele jere kapitál kooperativa nian durante loron lima, no ba oin kooperativa produsaun sira sei partisipa hotu", dehan nia.

Iha formasaun ba semestre dahuluk ne'e, SEKoop rejísta ona grupu alvu hamutuk 150, no sei hahú uluk husi munisípiu Vikeke, maibé sei kobre mós munisípiu sira seluk.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items