Login to your account

Username *
Password *
Remember Me

Governu Selu Ona Kompaña 11 Distribui Sesta Bázika

Sesta Bázika ne'ebe povu simu  Sesta Bázika ne'ebe povu simu Foto Arkivu

Tempotimor (Dili) - Governu liuhusi Ministériu Finansas (MF) selu ona orsamentu ho montante US$3,316,500.00 ba kompaña hamutuk 11, ne'ebé distritu aí-han sesta bazika ba komunidade sira.

Pagamentu ne’ebé halo iha loron sesta (18/03), hafoin Sekretariadu Tékniku Fundu COVID-19 simu pedidu pagamentu sesta bázika hamutuk 47 husi Ministériu Turizmu, Komérsiu no Indústria (MTKI).

Iha semana ida-ne’e, MF liuhusi Sekretariadu Tékniku Fundu COVID-19 mós sei halo tan pagamentu ba kompaña lokál hamutuk 26. Kompaña lokál 26 ne’e mós kumpre ona sira-nia dever hodi ba selu sira-nia Impostu Rendimentu (Income Tax) 0,5% husi totál rendimentu.

Aleinde ne’e, iha mós pedidu pagamentu hamutuk 10, ne’ebé MF sei hein hela MTKI atu kompleta dokumentu hodi aneksu iha Sistema Government Resouce Planning (GRP) molok realiza pagamentu.

"Iha 22 marsu 2021, Sekretariadu Tékniku Fundu COVID-19 mós simu ona pedidu pagamentu hamutuk 5 husi Sekretaria Estadu Kooperativa (SeKoop). Daudaun ne’e, Ministériu Finansas sei verifika hela dokumentus hirak ne’e molok realiza pagamentu", haktuir komunikadu impresnsa ne'e www.tempotimor.com asesu husi pájina Ministériu Finansas, segundu (22/03).

MF liuhusi Sekretariadu Tékniku Fundu COVID-19 kontinua nafatin kolabora ho Ministériu impelementadór sira seluk hanesan Ministériu Agrikultura no Peskas (MAP), Sekretaria Estadu Kooperativa (SeKoop), no Sentru Lojístiku Nasionál (CLN) atu aselera prosesu pagamentu ba kompaña sira ne’ebé mak fornese ona ai-han ba programa Sesta Bazika.

Bainhira dokumentu pedidu pagamentu hirak ne’e kompletu, loos no prienxe ona rekezitu pagamentu tuir lei haruka, Ministériu Implementadór sira sei submete ba Sekretariadu Tékniku Fundu COVID-19.

Hafoin simu pedidu pagamentu husi ministériu implementadór, Sekretariadu Tékniku Fundu COVID-19 sei prosesa dokumentu sira hotu no sei realiza pagamentu ba pedidu pagamentu hirak ne’ebé mak prienxe ona rekezitus tuir regras ne’ebé vigora.

Maibé, molok Sekretariadu Tékniku Fundu COVID-19 realiza pagamentu, kompaña sira hotu tenke kumpre sira nia dever hodi ba selu sira nia impostu rendimentu (income tax) 0,5% husi sira nia totál rendimentu konforme Lei Tributária haruka.

Kompaña sira tenke aprezenta sira-nia resibu pagamentu impostu rendimentu ba Sekretariadu Tékniku Fundu COVID-19 atu nune’e bele realiza pagamentu finál.

Karik kompaña fornesedór-sira iha pergunta ruma no/ka presiza informasaun liután kona-ba asuntu impostu, bele dirije diretamente ba Autoridade Tributária, Ministériu Finansas ka bele vizita portál Autoridade Tributária nian iha www.attl.gov.tl relasiona ho pagamentu impostu, submisaun relatóriu mensál/anuál no pedidu emisaun ba Certidao de Dividas.

Informa mós katak, pagamentu impostu sira ne’e bele halo liuhusi mákina ATM P24. Kontribuinte sira la-presiza ba forma tan iha banku komersiál sira hanesan uluk.

Ba pedidu pagamentu Sesta Básika ne’ebé mak la-prienxe ka seidauk prienxe rekezitus, konforme Lei haruka, Sekretariadu Tékniku Fundu COVID-19 sei devolve ba ministériu implementadór hodi kompleta no submete filafali. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter