Login to your account

Username *
Password *
Remember Me

Governu Altera Lei OJE 2021, Realoka Osan 2020

Palasiu Governu Timor Leste Palasiu Governu Timor Leste Foto Arkivu

Tempotimor (Dili) - Governu liuhusi reuniaun Konsellu Ministru aprova projetu proposta Lei ba alterasaun dahuluk lei númeru 14/2020, loron 29 fulan-dezembru, ne’ebé aprova Orsamentu Jerál Estadu (OJE) bá tinan 2021, no realoka osan restu husi tinan 2020.

Ministru Prezidensiá Konsellu Ministru, Fidélis Leti Magalhães hatete, alterasaun ne'e, ho objetivu atu realoka fali Orsamentu Jerál Estádu (OJE) tinan 2020, ne'ebé ezekuta la hotu, mai tinan 2021, la'ós atu foti osan foun husi fundu petrolíferu.

"Hirak ne'ebé sobra husi tinan kotuk, ita presiza realoka fali mai tinan ne'e de'it, tanba iha tinan kotuk ne'e, transfere hotu kedas, agora wainhira hafoin de transfere hotu kedan, osan sobra ka resin ne'e iha, ne'ebé mak la ezekuta 100 pursentu, mais ne'e tinan kotuk nian, entaun buat ne'ebé ita presiza halo muda fali mai tinan ida ne'e, halo ajustamentu ho verba ne'ebé mak iha, tanba ida ne'e mak ita la presiza ba fali iha fundu minarai hodi foti tán osan, tanba osan iha hela”, dehan nia hafoin reuniaun Konsellu Ministru iha edifísiu Ministériu Finansas Aitarak-laran, kuarta (24/03).

Realoka ne'e sei tama iha programa ida atu responde ba situasaun atual ne'ebé Timor-Leste hasoru hanesan pandemia Covid-19.

"Ho alterasaun ida ne'e mós ita kaer hatur ba programa ida nia laran, ne'e mak programa Covid-19, entaun iha ne'eba enkaixa tán de'it, no halo deskrisaun kle'an de'it kona-bá medida nesesaria sira ne'ebé mak governu tenke halo hodi responde situasaun atual, ne'ebé eforsa tán de'it programa ne'ebé hatur tiha ona iha OJE 2021”, hatutan nia.

Iha alterasaun ne'e, la signifika governu atu foti osan foun husi fundu petrolíferu, maibé atu realoka de'it orsamentu ne'ebé antes iha tinan 2020 ezekuta la hotu.

"Halo alterasaun ba orsamentu, entaun iha ne'e, termu jerál ne'e ita dehan, retifika osan, katak ita altera proposta ne'e, maibé la'ós (la signifika) ita suplementa ho osan foun, ita reorganiza prioridade balun, reforsa tán verba ne'ebé mak dituasaun iha tiha ona, para refleta ho situasaun atual, la signifika katak, foti tán osan ne'ebé mak iha hela fundu hodi inzeta tán ba programa ida ne'e, la'ós hanesan ne'e”, dehan nia.

Tanba ne'e, orsamentu ne'ebé atu realoka mai tinan 2021 ho totál tokon US$200-resin.

"Nia montante totál ne'e US$200-ital millões, alterasaun ne'e bá US$200-ital millões, ne'ebé US$200-ital millões ne'e para responde ba nesesidade sira hotu durante surtu ne'e, ne'ebé preve bá fulan 9 hirak oin mai nia laran”, afirma nia.

Nune'e, alterasaun ne'e sei aprezenta ba Parlamentu Nasionál ho pedidu prioridade no urjénsia, hodi fó resposta ba situasaun epidemiológika Covid-19 nian no ba ninia efeitu ekonómiku no sosiál sira.

"Iha ne'ebá mak sei kontempla mós bá liña frente, hola ekipamentu adisionál sira, apoiu bá estudante sira, apoiu bá komúnidade sira, hirak ne'e hotu sei hatur iha sentru US$200-ital millões nia laran”, akresenta nia.

Alterasaun ne’e atu finansia konjuntu ida husi medida intervensaun prinsipál ne'ebé governu prepara ona hanesan, apoiu ba empregu, moratória kréditu nian, izensaun propina, akizisaun alimentu, apoiu ba profisionál liña oin sira, no medida prevensaun no mitigasaun Covid-19. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter