Login to your account

Username *
Password *
Remember Me

MF Hahú Selu Kompaña Distributór SB 25

Tempotimor (Dili)- Ministériu Finansas (MF) liuhusi Sekretáriadu Tékniku Fundu (STF) Covid-19, iha loron kinta (25/03/2021) halo ona pagamentu ba kompaña distributór Sesta Bázika (SB) hamutuk 25.

Montante orsamentu ne'ebé MF uza hodi halo ona pagamentu ba kompaña lokál hirak ne'e hamutuk rihun US$5,257,302.00.

Númeru no montante orsamentu ne'e, inklui mós pagamentu ba kompaña hamutuk 11 ne'ebé molok ne'e MF halo ona pagamentu iha sesta (19/03/2021).

Pagamentu sira ne'e realiza, hafoin MF simu pedidu pagamentu husi Ministériu Turizmu Komérsiu no Industria (MTKI), ho kompaña hamutuk 49, maibé iha 25 mak halo ona pagamentu, no kompaña hamutuk 11 mak sei halo iha tempu badak laran, kompaña 13 mak haruka fila, tanba seidauk prienxe rekezitu tuir lei.

“Alende ne'e ministériu finansas mós simu ona pedidu pagamentu hamutuk 24 husi Sekretária Estadu Kooperativa (SEKoop), no husi númeru ne'e, pedidu pagamentu 9 mak sei realiza nia pagamentu iha tempu badak nia laran. Pedidu pagamentu hamutuk 15 mak haruka filafali ba SEKoop atu kompleta rekezitus tuir lei haruka molok lori filafali ba MF hodi halo pagamentu”, haktuir iha karta komunikadu neebé www.tempotimor.com asesu iha loron kinta (25/03).

Iha semana ne'e, MF mós simu ona pedidu pagamentu hamutuk 16 husi Sentru Lojístika Nasional (SLN), maibé STF Covid-19 iha MF tenke haruka filafali ba SLN atu kompleta filafali dokumentu sira, hafoin MF bele halo pagamentu.

Ministériu Finansa (MF), liuhusi STF Covid-19 kontinua servisu hamutuk ho ministériu implementadór sira iha programa sesta bázika atu aselera paragamentu ba kompaña sira ne'ebé fornese ona ai-han ba programa sexta bázika.

Iha karta komunikadu ne'e mós haktuir katak, bainhira dokumentu pedidu pagamentu, loos no prienxe ona rekézitus pagamentu tuir lei haruka, Sekretáriadu Téknika Fundu (STF) Covid-19 sei prosesa no sei halo pagamentu tuir lei vigora.

Maske nune'e, molok STF Covid-19 realiza pagamentu, kompaña tenke kumpri sira-nia dever hodi ba selu sira nia impostu rendimentu (income tax) 0,5% husi sira-nia total rendimentu tuir lei tributária haruka.

Alende ne’e mós, kompaña sira tenke aprezenta sira-nia resibu pagamentu impostu rendimentu ba Sekretáriadu Téknika Fundu (STF) Covid-19 atu nune'e bele realiza pagamentu final.

Bainhira kompaña fornesedór sira iha pergunta ruma ka presiza informasaun klaru liután kona-ba asuntu impostu, bele haruka diretamente ba Autoridade Tributaria (AT).

Kompaña distributór sesta bázika sira bele mós vizita portal www.attl.gov.tl relasiona ho pagamentu impostu, submisaun relatóriu mensal ka anual no pedidu emisaun ba Sertidaun Dividas.

Entretantu, pagamentu impostu sira ne'e, bele hala'o liuhusi mákina ATMP24, signifika katak kontribuinte sira la presiza la forma tan iha banku komersial sira hanesan uluk.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter