Aprezentasaun ne’ebé halo husi Ministru Finansas, Rui Gomes, hodi fahe Fundu Mina-Rai ba parte rua ne’ebé presiza duni.
Ministru Prezidensia Konsellu Ministru, Fidélis Magalhães hatete, iha reiuniaun Konsellu Ministru loron 14 fulan-abril tinan 2021 hetan aprezentasaun husi Ministru ne’ebé relevante hanesan mós MF.
“Ministru Finansas, Rui Augusto Gomes, halo ona aprezentasaun preliminár ida ba Konsellu Ministrus kona-ba proposta ida segmentasaun husi Fundu Mina-rai nian, ne’ebé fahe fundu iha parte rua, ida ba ativu likidés aas no ida seluk ba investimentu ba prazu naruk”, informa Fidélis iha Palásiu Governu.
Aliende ne’e, Ministru Transporte no Komunikasaun, José Agustinho da Silva, aprezenta ona opsaun polítiku-lejizlativa subjasente sira ba projetu kona-ba regulasaun husi organizasaun serbisu sira inspesaun ró no embarkasaun sira. (*)