Aviaun ne'e semo mai Dili bazeia ba karta lisensa voo aviuan nian (Fligth Approval) hosi Autoridade Aviasaun Sivil Timor-Leste (AACTL).
Aleinde aviaun ne’e rasik aluga (charter) husi timoroan balun hodi lori pasajeiru sira husi rai liur mai Timor-Leste.
Aviaun ne’e, mós tula timoroan balun ba servisu iha Eropa inklui mós sidadaun Estranjeiru balun durante ne’e servisu iha Timor-Leste hodi fila.
Timoroan ne’ebé halo viajen hetan akompaña husi família sira ne’ebé nakoku iha Aeroportu, tanba regra Estadu Emerjénsia mak autoridade seguransa sira la autoriza família sira tama ba Waiting room, maibé família Sira hamrik hela iha areador no trotoal iha Aeroportu nian.(*)