"Iha Aldeia Baruana, no Akrema, inklui komunidade ne'ebé hela iha foho leten hanesan Arlo, Iliana, Doru, Fatu’u ho Ilitimu agora sei aguenta udan been ha'u hanoin sei la iha problema”, informa Administradór Ataúro ba www.tempotimor.com liuhusi telefone, sábadu (15/05)
Aldeia ne'ebé mak la asesu ba bee mós husi Suku Beloi, Aldeia Arlo no husi suku Bikeli, Aldeia Baruana Akrema, Iliana, Doru, Ilitimu no Fatu’u.
Nune'e Komunidade husi Suku Bikeli, Aldeia Ilidua Fatu’u, Matias Gomes hatete, durante ne'e sira konsumu udan been iha tempu naruk nia laran.
"Iha ne'e asesu bee mós ne'e agora ami seidauk uza tornera, ami agora uza bee udan nian tanki ne'ebé mak ami tabung husi uma bainhira tempu udan ne'e sá, uluk liu ne'e ami uza bee posu tanba bee ne'e meer, maibé agora ami uza bee tanki hodi hán no hemu”, informa Matias liuhusi telefone ba www.tempotimor.com sábadu (15/05).
Antes ne'e Governu instala ona bee matan husi suku Maker ba komunidade iha Ataúro laran maibé la sufisiente, no dadaun iha suku Makili, Vila Maumeta, Beloi husi parte tasi utiliza bee possu ne'ebé komunidade ke'e rasik no Aldeia Makadade Tempu udan ne'e bee matan la'o normál filafali. (*)