Tempotimor (Dili)-Governu Xína liuhusi embaixada iha Timor-Leste (TL) apoiu manta hamutuk rihun 3 ho ekipamentu sanitária mai governu Timor-Leste liuhusi Sekretária Estadu Protesaun Sivíl (SEPS).

“Doasaun mak 3 mill manta e depois 10 mill sanitarizasaun hanesan sabonte sira. Para ita hamenus inundsaun nia terus, inundasaun nia nesesidade sira ne'e”, dehan Emabaixadór Xina iha TL, Xiao Jigou, iha Dili, sesta (28/05).

Tanba dezastre naturál iha loron 04 fulan-abril tinan 2021, rezulta populasaun Timor-Leste barak mak terus, tanba sasán uma-laran sira estraga.

“Entaun, embaixadór iha nosaun e hodi povu Xina nia naran hakarak ajuda ita-nia timoroan sira ho governu", afirma nia.

Aliende, Diretór Jerál SEPS, Ismael Babo hatete, apoiu husi governu Xina ne'e, la'os foin mak halo, maibé dala-barak ona sira sempre apoiu TL, iha ámbitu prevensaun Covid-19.

"Ohin (28/05), sira mós komprometivu, sira mós sei fó apoiu nafatin ba protesaun sivíl, e governu Timor-Leste atu hato'o ba ita-nia populasaun sira”, dehan nia.

Ho apoiu hirak ne’e hanesan etapa dahuluk no etapa daruak sei hala’o iha semana oin.

“Ami sei jere apoiu sira ne'e, ba populasaun sira ne'ebé mak durante balu seidauk hetan apoiu”, informa nia.

Asesóra Legál husi SEPS, Isabel Ferreira, hato'o nia agradese wa'in ba kompromisu husi governu Xina nian, tanba fó ba apoiu TL iha parte oioin.

“Xina hanesan parseiru di'ak ba Timoodezde tempu luta to'o ohin loron, e ho apoiu ida ne'e, ita agradese tebes ba sira”, afirma nia. (*)