Sekretáriu Estadu Formasaun Profesionál no Empregu (SEFPOPE), Alarico do Rosário, husu ba kandidatu sira atu hatudu komportamentu hodi labele taka dalan ba sira ne'ebé hetan oportunidade.
"Husu ba traballadór sira atu kuidadu no hatudu imi-nia komportamentu di’ak atu labele taka dalan tanba nasaun neen mak Korea simu fali inklui mós timoroan tanba ne'e mak atu kuidadu-an”, dehan Alarico do Rosário iha Salaun DNEE Becora Maroco Mate, kinta (03/06).
Reprezenta HRD Korea, Jooyung Yang hatete, oportunidade di'ak ba servisu maibé tenke tuir nafatin protokolu organizasaun mundial saúde (OMS) iha Korea Súl.
"Traballadór Korea antes to’o Korea sei halo test ba imi-nia saúde, sei la hán hamutuk, depois de Corona tinan rua nia laran úniku timoroan de'it mak simu Vasina hotu mak ba ne'ebá no hein tan segundu etapa nian”, dehan nia.
Nune'e Diretór Nasionál Empregu Exterior, Filomeno Soares hatete, tuir demanda presiza 100 mak aranka ba Korea súl maibé balun falla iha Saúde inklui viza transporte expira.
"Iha prosesu ne'e la'o ita simu demanda Korea Súl kuaze ema atusida, iha viza kansela ne’e ba Korea Súl na’in- 7, na’in-3 hatama dokumentu tarde, na'in-1 test saúde falla depois na'in-4 kansela husi patraun rasik tanba hein kleur no na’in-5 mak viza mate”, dehan Filomeno.
Tuir planu katak ema 80 mak sei aranka iha loron 4 fulan-juñu tinan 2021 maibé tanba aviaun labele akomodasaun ema na’in-80 nune'e na’in-10 seluk sei aranka iha fulan-jullu. (*)