Login to your account

Username *
Password *
Remember Me

HAK Deskobre Komunidade Iha Munisípiu-2 Halerik Ba Bee-Moos

Tempotimor (Dili)-Diretór Ezekutivu Asosiasaun HAK, Sisto dos Santos hatete, durante besik tinan ida, asosiasaun HAK ho nia membru halo monitorizasaun no avaliasaun deskobre iha komunidade husi Munisípiu Likisá ho Manufahi liliu iha área rural sei halerik ba bee-moos.

"Ita haree tinan 20 nia laran iha área remota sira, sei halerik ba bee-moos la'ós de'it ba bee-moos, maibé proposi bee ne'ebé mak sira susar atu asesu ho distansia ne'ebé dook hanesan 200 metru", dehan nia iha seremonia Lansamentu Relatóriu Kartaun Pontuasaun Komunidade (KPK) ba servisu abastesimentu bee rurál, iha edifisiu asosiasaun HAK Farol, kinta (03/06)

Iha tinan 2020, HAK nia tarjetu ba munisípiu Likisá no Manufahi iha sistema bee-moos sanulu ne'ebé mak tuir relatóriu HAK deskobre.

"Esforsu ne'ebé mak HAK hetan katak, fasilitadór Postu Administrativu (FPA) sira la halo kna’ar ho di'ak, pratikamete sira la hasoru Grupu Maenja Fasilidade (GMF) tanba ne’e grupu GMf sira mós sente abandonadu", afirma Sisto.

Nune'e bee iha Likisá nian komunidade sei nafatin halerik iha situasaun migrabel nia laran tanba laiha bee-moos.

"Maibé iha Sistema kanu bee matan ida iha munisípiu Manufahi hetan apoiu husi grupu GMF ne'ebé ativu no hetan mós apoiu husi fasilitadór sira nune'e dezafiu sira ne'e konsege ultrapasa ona", relata nia.

Nune’e, susesu ne'ebé mak sira atinje, HAK haree katak, hirak ne'e sai hanesan lisaun ida ba komunidade sira seluk no ba sistema sira.

"Saida mak HAK haree felismentemente, lian husi komunidade rasik ne'ebe husu ba Parlamentu Nasionál sira tenke tau proridade ba bee moris liuhusi aprovasaun orsamentu jeral no hein katak tinan ida ne'e bele too 10 porsentu ou liutan, nune'e asuntu bee mos ba ema hotu hodi bele atinje iha tinan naruk mai too iha 2030 nian", dehan nia.

Iha fatin hanesan, Prezidente Konsellu Administrasaun Bee Timor-Leste, Empreza Públika (BTL. E.P), Carlos Peloi dos Reis hatete, relatóriu Kartaun Pontuasaun Komunidade (KPK) ba servisu abastesimentu bee rurál servisu hamutuk ho NGO internasionál sira ba indentifika problema sira ne'ebé mak durante ne'e akontese kona-ba bee iha area rural nian.

"Iha sira-nia peskiza ida ne'e indentifika problema lubun ida, tanba laiha intervensaun ida ne'ebé regular husi fasilitadór sira iha postu, Grupu Maneja Fasilidade (GMF) sente abandonadu no komunidade sente abandonadu, taun sira la konsege mellora ou halo manutensaun bee ne'e la'o ladún di'ak", informa nia.

Tanba ne’e, bee la la'o, komunidade la asesu ba bee pois liuhusi estudu ida ne'e sira halo intervensaun, reuniaun regular, komunidade kontribui no fasilitadór ativu halo sira-nia servisu nune'e ikus sira konsege rezolve bee la'o tanba iha manutensaun sistema bee, la'ós de'it kanu sira, maibé bee matan sira nune'e bee la'o komunidade sira bele asesu ba bee moos

"Ba oin oinsá ita planu atu kontinua reforsa ba GMF atu halo funsaun ho di'ak no Bee Timor-Leste sei halo intervensaun entermus tau ema Ou rekruta ema jere sistema regular di'ak liután”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter