AIFAESA Ameasa Kompaña Espekula Folin Sasán

Diretór Operasaun AIFAESA,IP, Gabriel da Costa. Diretór Operasaun AIFAESA,IP, Gabriel da Costa. Foto Suplay

Tempotimor (Dili)- Diretór Operasaun Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA,IP), Gabriel da Costa hatete, kompaña sira ne’ebé espekula folin sasán iha tempu Estadu Emerjénsia (EE) sei multa osan to’o montnate rihun US$30.

“Ita haree katak kuandu ita-nia operadór iha intenssun hanoin hasa’e folin ho situasaun ne'ebé mak nasaun enfrenta hela ho moras Covid-19, ne'e ida krime sei multa ki’ik mak rihun US$3 no multa folin boot liu mak rihun US$30 se la selu tama kadeia tinan tolu”, dehan Gabriel iha sede FONGTIL, Kaikoli, sesta (11/06).

Tuir dekretu lei no 23/2009/5 de Agostu artigu 21 define ona,  kuandu operadór sira hasa'e folin tuir nia hakarak sei prosesu tuir lei hodi hetan justisa iha finál tanba espekulsaun folin sasán ne'e krime.

Nune’e mós Kompaña Tane Konsumidór durante ne'e halo peskiza katak iha primeiru trimestrál tinan 2021 sasán ne'ebé folin sa'e mak fós.

“Halo komparasaun iha fulan-dezembru ho primeiru trimestrál nia ne'e sa'e ne'e fós mak folin sa'e iha loja sira ne'e iha fulan haat nia laran aumenta dolór rua ($2) se enkuantu halo análiza komprativa programa Sesta Bázika ne'e mak aumenta boot liu”, dehan Prezidente Tane Konsumidór, António Ramos da Silva. (*)

Rate this item
(0 votes)
Last modified on Friday, 11 June 2021 15:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter