“Ohin (17/06) ita mai asiste lansamentu livru relatóriu kona-ba sistema inkluzaun finanseira sistema ida ne'ebé Banco Central dezeña atendimentu ba besik liután iha populasaun sira, ohin ita mós haree katak kobertura servisu ne'e iha rezultadu liu pursentu 60 pontu atendimentu iha ona Munisípiu sira ida ne'e avansa boot ida”, dehan Joaquin Amaral iha Salaun Novo Turizmu, kinta (17/06).
Maibé governu kontinua fó suporta ba planu BCTL no banku sira ne'ebé partisipa, hadi’a sira-nia servisu enkonraza sira-nia produtu atubele fó atendimentu di'ak liután ba kliénte.
Nune’e mós Governadór BCTL, Abrão de Vasconcelos hatete, kompromísu ida husi BCTL atu informa ba públiku no Governu kona-ba situasaun dezenvolvimentu iha sistema finanseira.
“Ida ne'e relatóriu ba dala tolu ninian, ida ne'e parte ida husi kompromísu Banco Central ninian atu informa ba públiku informa ba Governu no instituisaun finanseira sira própriu Banco Central rasik sobre situasaun dezenvolvimentu iha ita-nia sistema finanseira”, dehan nia.
Ho ida ne’e, BCTL sei kontinua hadi'a servisu atu atrai liután partisipante sira, instituisaun mikro finansa sira, atu partisipa barak liu, fasilita barak populasaun hodi asesu pagamentu no halo transaksaun. (*)
