“Apoiu ai-hán ba imi, ha'u hakarak halo buat hotu tuir kbi’it, soké situasuan mak impede, ha'u mai iha ne'e vizita dalarua ona, ha'u ohin lori ai-hán apoiu ne'e mai hanesan ha'u dehan Gabinete Primeira Dama nia odamtan nakloke hodi simu hanoin ruma husi ita-boot sira-nia proposta maibé di’ak liuhusi Karta formál de'it”, dehan Cidália iha edifísiu AHDMTL, Manleu, kuarta (23/06).
Antes ne'e, Espoza Prezidente Repúblika mós fahe ai-hán ba família kbi’it la’ek iha Sede suku Kuluhun, Postu Administrativu Cristo Rei, Munisípiu Dili.
Nune'e Xefe Suku Kuluhun, Deus Dado Martins, gradese ba apoiu ne'ebé Primeira Dama fahe ba família kbi’it la’ek iha Suku Kuluhun ne'e rasik.
“Ami agradese ba Sua eselénsia ne'ebé mak mai fahe sasán ba ami, no sasán sira ne'ebé ami simu mak, iha mina, rinso, supermie, ho fós, no kada ema ida sei simu fós karon ida, rinso dos ida, supermie dos ida”, dehan nia.
Apoiu ne’ebé Gabinete Primeira Dama fahe ba komunidade sira mai husi Komunidade Xinezes Timoroan, hodi kontinua fahe ba família kbiit la’ek sira ne’ebé presiza. (*)