Login to your account

Username *
Password *
Remember Me

SEKoop Distribui Ai-hán ba Vítima Inundasaun 316 Iha Moris-foun

Ai-hán Sesta Bázika. Ai-hán Sesta Bázika. Foto Suplay

Tempotimor (Dili)-Governu liuhusi Sekretária Estadu Kooperativa (SEKoop) distribui tan ai-hán bázika ba vítima hamutuk 316 ne'ebé hetan afetadu husi dezastre naturál iha Aldeia Moris-foun, Suku Komoro, Postu Administrativu Dom Aleixo, Munisípiu Dili.

"Apoiu ne'e nu'udár kontribuisaun ida ba ita-nia sosiedade, ne'ebé afetadu husi inundasaun iha dia 04 de Abríl liuba, kompleta sira vida, sira-nia moris iha família. Ida ne'e iha 316 família mak hanesan vítima”, dehan Sekretáriu Estadu Kooperativa (SEKoop), Elizário Ferreira, hafoin distribui simbólikamente ai-hán ba vítima sira iha Aldeia Moris-foun, Suku Komoro, sesta (02/07).

Ajuda ne'e, kontribuisaun ida ne'ebé mak parte sekretaria fó, hanesan fós saka 1, supermie, inklui sabaun sira ba família ida-idak, fós saka ida.

Dadus husi vítima ne'e, SEKoop halibur hahú fulan-abríl liuba hafoin mosu inundasaun, maibé iha sesta (02/07) foin mak halo distribuisaun ai-hán ba família afetadu sira.

Tanba ne’e, husu ba komunidade sira ne'ebé durante halo uma besik iha mota ninin, atu buka fatin seluk ne'ebé seguru hodi konstrui fali uma foun, nune'e bele evita-an husi risku dezastres naturál nian.

"Sekretária mós orienta sira atu koopera nafatin ho autoridade lokál no autoridade nasional atubele partisipa no ativu hodi hatene informasaun kona-ba labele hela iha fatin risku, e koopera oinsá mak sira ne'ebé afetadu ne'e, laiha fatin bele hela iha fatin ne'ebé mak governu sei prepara tuir mai, nomós koopera atubele hala'o atividade ekonónika no dezenvolvimentu ne'ebé mak parte estadu atu dezenvolve iha tinan ida ne'e”, dehan nia.

Delegada iha Aldeia Moris-foun, Maria Madalena Soares hatete, apoiu husi SEKoop ne'e bele ajuda netik sira hodi hatutan netik moris iha loron balu nia laran.

"Durante pandemia no derrepente tan ho inundasaun ne'e, halo ema barak mós hamlaha, ho ajuda ne'ebé hus SEKoop ne'e, ha'u sente bele hakman netik sira, la ajuda totál mós bele halo kamaan netik sira”, dehan nia.

Durante inundasaun, iha aldeia Moris-foun, komunidade barak mak nia uma estragu tanba bee tama to'o uma laran, inklui vítima balun nia uma mota sobu.

Vítima hirak ne'e mós simu ona apoiu emerjénsia husi Sekretária Estadu ba Protesaun Sívil (SEPS), Asosiasaun Xíneza iha Timor-Leste, inklui organizasaun voluntáriu sira seluk tan.

Antes ne’e, SEKoop mós tulun ona família afetadu sira balu iha área Bekora, Bairru Pite, inkluk iha Suku Komoro rasik. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter