“Obrigadu ba alin oan sira ne'ebé organiza dansa, alin oan sira ne'e mak sai na'in ba kooperativa, se bele imi oan sira simpanan pendidikan ba sira, simpanan pendidikan ne'e la'ós rai ba ferik no katuas sira ne'e maibé ba imi-nia oan sira, rai sira-nia osan iha kooperativa”, dehan Elizario iha Assembleia jerál Membru Koperativa Multisetorál Roman Furak Fatumaka (KMRFF) iha Baukau, Fatumaka, sesta (16/07).
Tanba oan sira mak rai oan sira-nia osan iha kooperativa bele asegura oan sira-nia eskola bele remata iha universidade no bele mós to'o Masteradu.
“Antes imi-nia oan iha eskola pre-eskolár, hahú rai US$10.00 kada fulan, to'o sira tamat tiha ensinu Sekundáriu, sira iha US$3.800.00 iha Kooperativa, tempu ne'e imi hili obsaun rua, ida, imi foti hotu osan ne'e entrega ba oan sira, gasta ba nia eskola maibé nia la sustentável, ida seluk imi bele, rai investe osan ne'e imi hetan US$15.00 iha Kooperativa, fulan 6 no hetan US$90.00. Se nia tama iha UNTL fulan 6 selu US$30.00 entaun fulan 6 nia hetan US$90.00 ne'e ita uza US$30.00 ba nia eskola no US$60.00 ne'e tau ba Transporte no halo buat seluk" esplika nia.
Tanba oan sira mak bele sai futuru Kooperativa nian, nune'e bainhira osan sira remata sira nia eskola iha banku universidade, la buka ona servisu tun sa'e maibé hatutan de'it serbisu ne'ebé mak inan aman husik hela ba oan sira, hanesan servisu kooperativa.(*)