Login to your account

Username *
Password *
Remember Me

SEKoop Husu CU-IHC Tenke Kreativu Promove Informasaun Kooperativa

Fisklizador CU-IHC) João da Costa Freitas, ko'alia hela ba www.tempotimor.com iha Postu Administrativu Vemase, Domingu (18/08). Fisklizador CU-IHC) João da Costa Freitas, ko'alia hela ba www.tempotimor.com iha Postu Administrativu Vemase, Domingu (18/08). Foto Suplay

Tempotimor (Baukau)-Sekretáriu Estadu Kooperativa (SEKoop), Elizário Ferreira, husu ba Kooperativa Crédito Uniaun Inisiativa Haburas Komunidade (CU-IHC) tenke kreativu promove informasaun koperativa hodi bele aumenta kuantidade membru.

“Promosaun informasaun ne’e dirijente sira tenke servisu makas'as, kapitál nunka iha aumenta, ne'e katak partisipasaun husi membru nian, ne'e laiha. Dirijente sira ne'e tenke sai lalenok, labele deve osan la selu, ne'e sai ezemplu ba membru sira, ho ida ne'e mak kreditu husi kooperativa barak mak macet, maibé ita koko hadi’a kréditu macet ne'e”, dehan Elizáriu iha sede Provizóriu CU-IHC, Vemase, domingu (18/07).

Antes ne'e CU-IHC hatudu ona sede tuan iha merkadu Vemasse no aprezenta ba Sekretáriu Estadu Kooperativa, maibé CU-IHC seidauk hadi’a fatin hodi utiliza fatin ba sede permanente, tanba ne’e husu muda utiliza fatin refere atu atrai komunidade sira atu sai membru CU-IHC.

“Imi-nia tinan bailoron mak ko'alia hela de'it, dehan ami osan iha, atu hamoos de'it uma ne'ebá mós la’e, ema fa'an modo mak nafatin iha laran. Kreativu ne'e tenke iha, atu halo ema seluk fó apoiu imi laran ne'e kama’an, se ita nunka besik ba fatin ida ne'ebá, ema sei la mai, ema atu fó nia osan ba imi ema hanoin barak, mais imi kreativu karik iha enkontru ida hanesan ne'e imi dada ema mai hodi tuir enkontru imi-nia uma ema seluk gava imi, ne'e dada ema seluk atu sai membru, ida ne'e mós la’e”, hatete Elizario.

Nune'e, Fisklizadór CU-IHC Vemase, João da Costa Freitas, promete sei hadi’a fatin iha tempu badak no sei kontinua servisu ne'ebé mak Sekretáriu Estadu Kooperativa rasik ko'alia ona.

“Ami ohin rona tiha ona eselénsia nia ko'alia komesa aban ba oin ami iha sede ona, ami-nia papan ne'e ami labele tau iha ami-nia postu maibé ami tenke lori ba sede atu aban bainrua eselénsia mai karik ami iha ne'ebá ona, se tinan oin mak ami nafatin iha ne'e berarti ami la mampu, berarti ami tenke para labele bosok sua eselénsia, ne'ebé ami garantia sua eselénsia mai fó hanoin ami, komesa aban ba oin ami iha ona sede”, deklara João.

SEKoop mós garante mesmu hasoru problema maibé la abandona koperativa sira ne'ebé mak hasoru problema hotu.

Durante tinan ualu Koperativa CU-IHC iha membru Totál 112, ho nia kapitál hamutuk US$23.724 no kooperativa rasik hala'o servisu kona-ba halo natar inklui Uniaun Kréditu nian. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter