Prezidente Kooperativa HMDK, Afonso dos Reis hatete, Grupu kooperatira entrega apoiu ne'e liuhusi Sentru Lojistika Nasionál (CLN) no diretamente ba Kompaña Jacinto, hodi tau iha programa Sesta Bázika.

“Foin lalais kooperativa ne'e nia apoiu sesta bázika liuhusi CLN ne’e 130 tonelada, ba kompaña diretamente ne'e tonelada 107, tonelada ne'ebé enkamina apoiu mós ba sesta bózika,  fós ho produtu lokál”, dehan nia ba www.tempotimor.com liuhusi telefone, domingu (08/08).

Iha prosesu halibur produtu lokál no fós rai ne'e, komunidade balun hasa'e folin maka’as maibé liuhusu sentru kooperativa, komunidade sira mós koopera no konsentra entaun iha prosesu ne'e sira konsege apoiu fós rai ho produtu lokál.

Ho ida ne'e, HMDK mós kontinua kuda foremungu, fore-kili, haree, batar iha toos laran.

Dadauk ne'e, Membru kooperativa hamutuk 20-resin, maibé agora sira-nia partisipasaun sei mínimu tanba balun halo hela koilleta ba sira-nia haree.

“Membru kooperativa ne'e hamutuk 20 ital, maibé  agora sira-nia partisipasaun mak sei preokupa hela sira-nia natar individuál ne'e mak to'o agora ne'e mak seidauk naran-saida, Maibé ami iha ne'e preparasaun ba produtu lokál mak ami horibainrua ida mak husi  armajen kona-ba produtu lokál nian, nomós armajen kona-ba fós rai ninian”, dehan nia. (*)