Login to your account

Username *
Password *
Remember Me

Taur Konsidera Apoiu ADB Bele Rekupera Ekonomia TL

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak, konsidera apoiu husi Banku Dezenvolvimentu Aziátiku nian (ADB) bele promove rekuperasaun ekonomia iha Timor-Lestte (TL).

“Ho apoiu valiozu BDA nian, ami fiar katak bele promove prosesu ba retoma no rekuperasaun ekonomia, hodi fila ba ritmu kreximentu ne'ebé ami hetan ona molok Pandemia Covid-19 nian hahú ho ritmu kreximentu ida, ne'ebé fundamenta iha aposta ba prioridade fundamental haat”, dehan Taur liuhusi Komunikadu ne'ebé www.tempotimor.com asesu, segunda (09/08).

Tanba prioridade sira hanesan dezenvolvimentu infraestrutura nian sira, dezenvolvimentu kapitál sosiál nian, dezenvolvimentu ekonómiku, konsolidasaun no reforsu institusionál no prioridade sira ne'ebé konta ho Parseria BDA nian, ne'ebé sai ona fonte prinsipál no substansiál ba kréditu Internasionál.

Husi apoiu ho forma donativu no empréstimu, nomós ho forma asisténsia táknika loron ba loron, ne'ebé sempre akompaña prosesu dezenvolvimentu durante tinan 19 ikus ne'e,

Ho ida ne’ebé hatudu liliu iha momentu sira krize ka kalamidade nian liuhusi apoiu umanitáriu ba vítima dezastre naturál sira no inisiativa globál atu fó asisténsia ba retoma no rekuperasaun ekonómika no sosiál pais membru sira-nian.

Husi emprestimu no apoiu ne'ebé mak haree iha konstrusaun infraestrutura halo estrada, pobreza, projetu konetividade alargamentu Aeroportu Internasionál Dili no atividade sira seluk.

“Emprestimu no apoiu valiozu sira ne'ebé, tinan ba tinan, ita bele haree iha konstrusaun infraestrutura sira hanesan estrada, autoestrada ka ponte sira, maibé ne'ebé ami hakarak agora atu estende ba projetu konetividade nian sira, ne'ebé foun no ho potensiál boot, iha setór transportes, telekomunikasoins no atu haluan Aeroportu Internasionál Dili nian; nomós ba servisu báziku esensiál sira iha eletrisidade, hodi investe iha enerjia verde no bee no saneamentu, liliu iha kaptasaun no distribuisaun fonte abastesimentu foun sira”, Esplika Taur.

Haree ba apoiu finanseiru esensiäl sira ba reforsu setór privadu nian no ba promosaun diversifikasaun ekonómika nian, hodi apoiu projetu sira ne ebe ami hakarak atu sai kriativu, inovadór no empreendedór liután, projetu sira ne'ebé bele kria empregu no fasilita asesu ba produtu no servisu foun sira, atubele hasa'e kualidade moris sidadaun sira-nian. (*)

Rate this item
(1 Vote)
Last modified on Monday, 09 August 2021 18:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter