“Ba dahuluk kona-ba apoiu umanitáriu ba postu Railaku no Ermera relasiona ho assuntu hirak ne'e husi parte MMSSI (Ministériu Solidariedade Sosiál no Inkluzaun) nian no parte Ministériu Saúde, Ministériu Administrasaun Estatál no relevante sira tenke alerta ba nesesidade sira preokupasaun sira ne'ebé mai husi ita-nia populasaun sira iha baze, depois nia resposta saida de'it mak sei foti iha konstestu kompeténsia orgánika ida ministériu nian”, dehan Fidelis iha Palásiu Governu, kuarta (11/08).
Antes ne'e iha loron 30 fulan-Jullu Governu liuhusi Konsellu Ministru reuniaun deside hodi aplika Komfinamentu Obrigatóriu (Lockdown) ba Munisipiu Ermera liliu Postu Administrativu Railaku no Ermera durante semana rua.
“Ohin (30/07) Konsellu Ministru halo reuniaun Extraordináriu ida tanba iha situsaun Emerjénsia ne'ebé relasiona ho Pandemia ne'ebé espalla liliu iha Munisípiu Ermera maibé ba postu rua de'it mak postu administrativu Railaku no mós Ermera”, informa Fidelis.
Projetu rezolusaun ne'e Governu nian ne'e impoin Komfinamentu Obrigatóriu ba populasaun iha Postu Administrativu Railaku no Ermera hahú husi tuku 00:00 loron 31 fulan-jullu to'o tuku 11:59 iha loron 11 fulan-Agostu tinan 2021
Komfinamentu Obrigatóriu iha Postu rua ne'e atividade Eskola no Relijioza inklui atividade sosiál sira hotu sei suspende. Maibé la taka dalan ba sidadaun ne'ebé mak vasina dalarua ona hodi halo movimentu. (*)