Login to your account

Username *
Password *
Remember Me

CNRT Konsidera Governu Taur ‘Faila’ Rezolve Ekonomia Rai Laran

Deputadu Bankada Congresso Nacionál de Reconstrução de Timor (CNRT), Arão Noe Amaral. Deputadu Bankada Congresso Nacionál de Reconstrução de Timor (CNRT), Arão Noe Amaral. Foto Suplay

Tempotimor (Dili)-Deputadu Bankada Congresso Nacionál de Reconstrução de Timor (CNRT), Arão Noe Amaral, konsidera Governu ne'ebé lidera husi Primeiru Ministru (PM), Taur Matan Ruak faila rezolve ekonómia rai laran, tanba fulan-ualu ona maibé ezekusaun sei mínimu tebes.

“Ida ne'e mak ha'u lamentavel teb-tebes, sé Governu atraza ezekusaun orsamentu 2021 ninian, tanba haree husi relatóriu sira to'o agora ita iha fulan-agostu maibé ezekusaun ne'e sei mínimu nafatin 20 itál pursentu”, dehan nia iha PN, kuarta (11/08).

Tanba, Governu dehan halo jestaun di’ak, maibé nia impaktu ne'e boot teb-tebes ba ekonómia rai laran.

Dadauk, problema boot ne’ebé povu enfrenta mak, osan la sirkula, maske Governu aprova ona programa sira ne’ebé prevé iha Orsamentu Jerál Estadu 2021.

Durante pandemia Covid-19, Governu implementa de'it mak estadu emerjénsia, serka sanitária, inklui Konfinamentu Domisiliáriu Jerál hodi bandu sirkulasaum hotu iha rai laran.

Iha sitasaun ne'e, Governu kria programa foun hanaran sesta bázika, ne’ebé ho hanoin hakarak injenta atubele eleva ekonómia rai laran, maibé realidade la akontese.

“Progeama la ajuda tanba programa sesta bázika ne'e apoiu para ema atu hetan sustentabilidade para hodi hán iha semana ida-rua ka fulan ida nia laran, la'ós ba tinan tomak”, dehan nia.

Ho ida ne'e, programa sira ne’ebé aprova ona iha tinan- 2021, Governu tenke ezekuta, nune'e osan bele sirkula ba merkadu, liuhusi kompaña nia programa no projetu sira, atu-nune'e fasilita hikas osan ne'e bele sirkula ba komunidade nune'e bele buka moris.

“Mais se ne'e laiha, ha’u haree ho predisaun katak agora ne'e ekonómia iha rai laran ne'e tun ona ba 0,3, ne'e katak ita filafali ba situasaun iha 2006, ne'e gravé ona ba ekonómia iha rai laran”, hatete nia.

Haree husi problema pandemia covid-19 nian klaru, bele halo implementasaun estadu emerjénsia, no serka sanitáia, maibé Governu mak tenke buka dalan reforsa no labele haluha atu fasilita kompaña sira nune'e iha osan para selu sira-nia traballadór.

“Problema ida mós Governu atraza halo pagamentu ba projetu sira ne’ebé kompaña sira halo hotu tiha ona, pois atraza iha avaliasaun, buat sira ne'e hotu halo impaktu kompaña sira la hetan rendimentu”, afirma nia.

Tanba ne'e, konsikuénsia ne’ebé akontese nu’udar responsabilidade parte Governu ninian, Governu hanesan jestór estadu atu asegura ekonómia rai laran, atubele estadu emerjénsia mós governu tenke apoiu nafatin pagamentu ba kompaña sira ne’ebé iha kontratu ho Governu, atu sira bele asegura nafatin sira-nia traballadór sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter