Tanba ne’e, Xefe Governu iha loron sesta (13/08) hala'o vizita ba konstrusaun edifísiu foun Tribunál Rekursu no Tribunál Distritál Dili iha Kaikoli.
“Esforsu no dezenvolve infraestrutura iha futuru oin mai kualidade, kualidade, kualidade ne'e importante loos ita gasta osan mais ita mós hakarak uza se osan ita la uza ba tempu naruk ne'e ita dehan, bahasa dehan ‘buang garam di laut’ ne'e hanesan soe osan iha tasi”, deklara Taur.
Tanba ne’e, apresia no fó parabéns ba ekipa sira ne'ebé halo esforsu hatudu katak Timor-Leste mós bele.
Maske iha situasuan Covid-19 atividade barak paradu no konstrusaun barak la remata tuir tempu determinadu maibé importante garante kualidade.
“Ha'u importante liu nia kualidade ita-boot sira haree ita-nia situasuan ohin loron Covid ne'e halo ita atividade kontratór sira traballadór sira-nia atividade barak swab tun swab sa'e la'o rai kloot loos e ita komprende mais importante liu mak asegura nia kualidade”, dehan nia.
Tuir fontes kredivel ne'ebé mak la sira nia identidade katak obra konstrusaun edifisiu foun Tribunál Rekursu no Tribunal Distrital Dili ne'e atu hetan ona pursentu 27 (27%)
Tuir informasaun ne’ebé asesu husi kompaña katak, projetu fiziku ba Konstrusaun edifísiu foun Tribunál Rekursu no Tribunál Distritál Dili dadaun ne’e atinje ona pursentu.
Konstrusaun refere supervizona husi Dacrea In Asosiation with AEC, no kontraór China Shandong International Economic & Technical Cooperation Group. R.P ho nia orsamentu mai husi Orsamentu Jerál Estadu ho montante US$10,990,769.35. (*)