"Husu atu suku Kelikai, Letemumu tenke estrada liga malu para depois fasilita ami para depois no movimentu ba mai", dehan Xefe Suku Haekoni Oan Fuik iha Retiru Entre Sosiedade Sivíl ho Governu iha Uaibitai, sábadu (21/08).

Dadaun ne'e husi Suku Letemumu la'o ain de'it ba Suku Haekoni kuaze oras ida maibé kuandu uza transporte hanesan karreta no motorizada presiza la'o haleu foho matebian.

Primeiru Ministru (PM), Taur Matan Ruak hatete, preokupasaun ne'e teknikamente iha Ministru Obras Públika nia kompeténsia oinsá atu koopera hamutuk ho Autoridade lokál sira atu kuidadu paizajen sira iha foho matebian nian.

"Obras públika no IJE (institutu Jestaun no Ekipamentu) iha ne'e sira mak orsida sei haree liuhusi ne'ebé tanba teknikamente, atu labele estraga paisajen iha ne'e, ita loke mais ho konsentemente lia-na'in sira no no ita-boot sira-nia atu nune'e ita kuidadu hotu", dehan Taur.

Nune'e oras ne'e husi planu Ministru Obras Públika sei elabora nafatin lista atu loke dalan husi Suku Letemumu ba Suku Ahekoni iha tempu mai. (*)