Governu Deside Valór Másimu US$ Rihun-125 ba Programa UKL

Ministru Prezidensia Konsellu Ministru, Fidelis Leite Magalhães. Ministru Prezidensia Konsellu Ministru, Fidelis Leite Magalhães. Foto Suplay

Tempotimor (Díli)-Governu liuhusi reuniaun Konsellu Ministru deside hodi aprova projetu alterasaun daruak ba Dekretu lei rejime jerál ba Programa Nasionál Dezenvolvimentu Suku (PNDS) hodi estabelese valór máximu verba US$ rihun-125, ba programa Uma ba Kbi'it La'ek (UKL) to'o projetu nia konkluzaun.

Projetu Dekretu-Lei ne’e, aprezenta husi Ministru Administrasaun Estatál, Miguel Pereira de Carvalho, ba alterasaun daruak ba Dekretu-Lei nu. 8/2013, loron 26 fulan-juñu, kona-ba Rejime Jerál ba Programa Nasionál Dezenvolvimentu Suku (PNDS).

"Projetu Dekretu-Lei ne’e ho objetivu atu reve no atualiza valór projetu subsidiadu sira ne’ebé inklui projetu abitasaun sosiál Uma ba Ema kbi'it la'ek, hodi estabelese katak valór máximu verba nian mak dolar amerikanu rihun 125 to’o ba konkluzaun projetu refere", esplika Ministru Prezidensia Konsellu Ministru, Fidelis Leite Magalhães, iha Ministériu Finansas, Aitarak Laran, kuarta (01/09).

Antes Xefe Suku Haekoni, Postu Administrativu Bagia Munisípiu Baukau, Oan Fuik, rekomenda ba Governu atu aumenta orsamentu ba programa Uma Kbi'it La'ek tanba orsamentu la sufisiente.

"Husu mós ba Ministru Administrasaun Estatál se bele karik aumenta orsamentu ba uma kbi'it La'ek tanba ami iha Suku Haekoni ne'e susar tanba ami tula de'it rai henek reet ida de'it osan sira ne'ebé mak Governu fó ne'e bele hotu ona tanba ami dook liu", hatete nia.

Ministériu Administrasaun Estatál identifika benefisiáriu hamutuk 1.272, Governu deside osan ho montante millaun UU$25, ba kada uma nia ho kustu kuaze US$ rihun-15 ba kuartu rua, no kuartu tolu US$ rihun-17. (*)

Rate this item
(1 Vote)
Last modified on Wednesday, 01 September 2021 18:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter