Print this page

MAE Propoin Tokon US$2.5 ba Transforma Postu Ataúro Sai Munisípiu

By September 07, 2021 2442
Ministru Administrasun Estatál (MAE), Miguel Perreira de Carvalho. Ministru Administrasun Estatál (MAE), Miguel Perreira de Carvalho. Foto Tempo Timor

Tempotimor (Díli)-Ministru Administrasun Estatál (MAE), Miguel Perreira de Carvalho hatete, sira propoin ba Komité Revizaun Orsamentu Polítika (KROP) atu aloka orsamentu tokon US$ 2.5 hodi estabelese servisu hodi transforma Postu Administrativu Ataúro sai Munisípiu.

"Atauro ami propoin orsamentu ba nia administrasaun de'it ami propoin purvolta de tokon 2.5 hanesan ne'e atu iha tinan (2022) oin administradór de Ataúru bele estabelese servisu sira no operasaun servisu bazeia ba kompeténsia ne'ebé mak deskonsentra ba Munisípiu sira bazeia ba nia termus Dekretu lei 3/16", dehan Miguel de Pereira de Carvalho iha Salaun Ministériu Finansas Aitarak Laran, tersa (07/09).

Nune'e MAE mós tau konsiderasaun importante sei tau orsamentu fundu espesiál atubele implementa iha Ataúro.

"Ministériu mós hanoin importante atu bainhira posivel bele kria fundu espesiál ba illa de Ataúru atu implementa infraestrutura sira iha ne'ebá husi artigu 32 lei dos orsamentál jestaun finanseiru lei nu. 13/2009", esplika nia.

Tanba legalmente hahú husi fulan-janeiru tinan 2022 Postu Administrativu Ataúro transforma sai Munisípiu Ataúro. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items