"Prioridade Ministériu ninian ne'e mak ko'alia kona-ba hadi'a Jardin dos Herois sira fazeadamente hadi'a neneik mais tenke hadi'a oituan-oituan tanba tuir ita-nia kapasidade estadu nian ne'ebé se oituan mak halo tuir oituan aban bairua barak mak iha halo tuir barak mais em prinsípiu tenke la'o nafatin", dehan Oan Soru hafoin Aprezenta Orsamentu ba Komité Revizaun Orsamentu (KROP) iha Ministériu Finansas, Aitarak Laran, tersa (07/09).
Atividade rekonstrusaun ne'e sei realiza iha Munisípiu sanulu-resin-tolu (13) bazeia ba orsamentu ne'ebé mak aprova orsamentu ba kapitál dezenvolvimentu nian la'o neneik maibé bebeik tanba lei garantia hela.
"Jardin dos Eróis hamutuk iha sanulu-resin-tolu iha territóriu tomak, ezemplu Baukau ida iha Kelika, ida iha Laga, iha Manatuto iha Natarbora, Lospalos, ida Iliomar iha Munisípiu hotu hotu iha", esplika nia.
SEAKLN ba Orsamentu Jerál Estadu ba tinan 2022 laiha pedidu adisionál maibé halo ajustamentu ba Orsamentu Jerál nian ne'ebé mak Ministériu Finansas atribui ba SEAKLN ho montante tokon US$88, maibé lista ne'ebé mak Sekretáriu presiza hamutuk tokon US$92. (*)
