"Tetu fiskál ida ne'e la natón ba ministériu atubele hala'o atividade prinsipál sira iha tinan oin, entaun ministériu mai ho propin entaun para verse revizaun de orsmanentu bele konsidera adisionál balun iha tinan oin", dehan Ministru Administrasaun Estatál, Miguel Pereira de Carvalho, hafoin aprezenta tetu Fiskál OJE 2022 iha Ministériu Finansas, Aitarak-Laran, tersa (07/09).
Tanba iha programa tolu prinsipál ne'ebé mak MAE realiza mak hanesan desentralizasaun administrativa no poder lokál, Eleisaun Prezidensiál ba tinan 2022 prezervasaun dokumentu istóriku nasaun nian no programa seluk ne'ebé mak Ministériu Administrasaun ajusta hotu ona ba Ministériu Finansas.
Orsamentu millaun US$25 konstrui Uma ba Komunidade sira, millaun US$17 aloka ba kada suku iha territóriu Timor tomak atu implementa Programa Nasionál Dezenvolvimentu Suku, Ministériu liuHusi STAE propoin millaun US$ 9.3 ba realizasaun Eleisaun Prezidensiál tinan 2022 ba Primeira volta no Segunda volta.
"Iha atividade tinan oin ho ezemplu atu kontinua halo uma ba ita-nia povu sira iha suku hamutuk 442 no tinan ida ne'e konsege realiza ona uma tolu iha kada kada suku aldeia ida ne'e importante para ita kontinua realiza 254 ba tinan oin karik komité konsidera bele halo iha tinan oin, sei aumenta tan orsamentu ba kada suku liliu iha Programa Nasionál Dezenvolvimentu Suku", dehhan nia. (*)