Login to your account

Username *
Password *
Remember Me

SEKoop Hahú Formasaun ba Membru MOKATIL iha Aileu

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Suplay

Tempotimor (Dili)-Governu liuhusi Sekretária Estadu Kooperativa (SEKoop) hahú formasaun kooperativa ba membru sira iha Movimentu Kamponezes Timor-Leste (MOKATIL), iha Munisípiu Aileu.

"Ohin (13/09), abertura ba formasaun iha sentru MOKATIL nian iha fatin ida ne'e. Objetivu husi formasaun ne'e atu eduka estrutura sira iha ne'e atubele hatene jere sentru ida ne'e, ne'ebé mak sei nakfilak ba kooperativa ho benefísiu koletivu e rendimentu distribui ba malu ekilíbriu. Ida ne'e mak objetivu prinsipal", dehan Sekretáriu Estadu Kooperativa (SEKoop), Elizário Ferreira, iha Sede MOKATIL, Suku Liurai, Postu Administrativu Aileu Villa, segunda (13/09).

Tanba MOKATIL durante ne'e hala'o atividade produsaun, husi formasaun ne'e atu produtór sira bele mobiliza sira-nia produtu atubele konsentra iha sede ka armajen hodi oferese ba merkadu ne'ebé mak oras ne'e parte sekretária estadu rasik mak promove liuhusi merkadu permanente sira.

"Hanesan merenda eskolár, merkadu ba funsionáriu sira, ba F-FDTL (Falintil-Forsa Defeza Timor-Leste) nomós PNTL (Polísia Nasioáal Timor-Leste), ba saúde no edukasaun ho mós ema sira iha komarka atubele hán hahán ne'ebé mak di'ak hodi asegura ita-nia saúde alimentár iha ita-nia rain”, dehan nia.

Tanba ne'e mak formasaun ba sentru ne'e importante atubele sira hetan formasaun ne'ebé mak adekuadu atu jere rasik sira-nia sentru ho kapitál ne'ebé mak iha.

Formasaun inisial ne'e hanaran formasaun bázika ho matéria ne'ebé formadór sira partilla, ko’alia liu kona-ba valór no prinsípiu sira kooperativa nian.

Aleinde ne'e, sei iha tan fornasaun ba segunda faze nian ne'ebé ema bolu dehan kontabilidade, sustentabilidade atu membru no dirijente sira kooperativa nian bele asegura instituisaun kooperativa ba oin.

Iha formasaun sei foku ba área produsaun, tanba sira konsentra membru produtór sira mak formasaun sei foka liuba produsaun, jestaun produsaun no jestaun merkadória, oinsá mak bele lori sira-nia produtu ba to'o merkadu, oinsá sira bele kuda, no bele asegura sustentábilidade produsaun nian.

Iha formasaun nia laran, sei iha mós eduka oinsá mak atu produz, oinsá mak atu oferese ba merkadu, no oinsá hatene poupa osan hodi rai osan ba futuru nian.

Moris iha kooperativa, bainhira instituisaun seluk ruma mosu ba, la'ós atu fó apoiu, maibé atu kompleta, hanesan asosiasaun MOKATIL ida ne'ebé mak iha ona nia kapitál (osan).

"Sira-nia kapitál rasik mak saida, ekipamentu sira, to'os no natar sira, ne'e hanesan sira-nia kapitál. Entaun, estadu mai atu hadi'a sira-nia mákina ne'ebé mak tinan rua ona la uza, atubele uza filafali, e to'os ne'ebé mak la halo, duut boot, atubele nafatin halo hodi produz atu oferese ba merkadu", dehan nia.

Prezidente MOKATIL Munisípiu Aileu, Januario Ximenes Araújo hatete, formasaun ne'e akontese, tanba relasiona ho pedidu ante ne'e iha loron 15 fulan-agusti hato'o ba SEKoop atu fasilita formasaun bázika kona-ba kooperativa nian.

"Ami labele movimentu ho de'it asosiasaun, maibé ami iha sanak ida hanesan mós grupu ida naran Joventude Unidade Kria Dezenvolvimentu Iha Área Rurál. Ho formasaun ba loron haat ne'e, to'o finál, ami hakarak debate kedas ami-nia estatutu, nune'e ami bele legál, hanesan mós kooperativa ida. Tanba ida ne'e mak iha dia 15 agostu liuba, ami husu ba SEKoop atu fasilita formasaun kooperativa ba ami", dehan nia.

Enkuantu MOKATIL iha Aileu mós eziste ona nia laboratóriu rasik, maibé problema ne'ebé hasoru mak, sei menus rekursu umanu atu servisu. Ho nune'e, sira husu ba SEKoop atu apoia mós buka fasilita mós rekursu ruma ne'ebé pertinente iha área laboratóriu nian.

MOKATIL iha Munisípiu Aileu, dadaun ne'e iha nia komité baze hamutuk 32, unidade baze iha 111, no membru atinje ona rihun-ida-haat (1004).

Formasaun kooperativa ida ne'e, loke diretamente husi Sekretáriu Estadu Kooperativa (SEKoop), Elizário Ferreira, iha sede Asosiasaun MOKATIL nian iha Suku Liurai, Postu Administrativu Aileu Villa, Munisípiu Aileu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter