TL Presiza Intervensaun Maka’as iha Seguransa Ai-hán no Nutrisaun"Ita presiza duni intevensaun maka’as iha seguransa ai-hán no Nutrisaun liliu iha krize tempu ida hanesan ne'e, tanba ita-nia taxa má nutrisaun aas liu iha mundu ita-nia inseguransa ne'e aas liu iha mundu atu rezolve ida ne'e tenke foku iha intervensaun tenke konsolida forsa ka rekursu sira ne'ebé iha atu nune'e hetan rezultadu ne'ebé di'ak”, dehan Filipe da Costa iha nia kna’ar fatin Palásiu Governu, tersa (14/09).
Tanba ne’e, Parseiru Internasionál husi Organizasaun Nasaun Unidus (ONU) nia hakarak apoiu fó apoiu maka’as ba segunrasa ai-hán no nutrisaun liuhusi planu Konjuntu Multisetorál ne'ebé prodúz.
"Governu adopta tiha ona agora halo hela sosializasuan namanas e ami kontente katak dokumentu planu konjunta konsellu nasionál Multisetorál no action plan (planu asaun) ida ne'e hetan apoiu tebetebes ONU no doador sira atu sira mós tulun Governu investe iha setór sira ne'ebé Governu sente hanesan prioridade”, hatete nia.
Nune’e GASS mós sai sekretariadu ba scealing up Nutrition ne'ebé ko'alia mós kona-ba oinsá atu hasa'e sidadaun nia nutrisaun iha Timor-Leste no dadaun realiza ona atividade lubuk ida iha nasionál nomós iha Munisípiu sira.
Liuhusi programa ne'ebé GASS kria dadaun hetan ona konvite atu ba tuir simeira kona-ba sistema iha Nova Iorke iha loron 23 fulan-setembru tinan 2021 iha Tokio-Japaun kona-ba nutrition for groth. (*)
