Komunidade Adeia Terminal, Tomas Maria da Silva hatete, nia parte preokupa ho fiu eleteisdade ne'ebe tula la metin, tanba sei fo ameasa ba labarik inklui ema boot.

"Ho fiu ne'ebé tara-an hela ne'e, ami tauk tanba ida ne'e fó perigu ne'e, labarik ki’ik sira iha ne'e, ema boot sira mós iha ne'e barak, entaun ami tauk”, dehan nia ba www.tempotimor.com iha nia rezidénsia aldeia Terminal, Kamea, Cristo-Rei, tersa (14/09).

Akontesimentu fiu eletridade monu sai no tara hela iha rin, tanba impoaktu husi anin no udan boot ne'ebé akontese iha tinan 2020.

Kestaun ne'e, hato'o ona ba ekipa Eletrisidade Timor-Leste, empreza públika (EDTL,ep), maibé to'o agora seidauk mai hadi’a.

"Uluk tinan 2019, ami haruka tékniku sira mai muda rin eletrisdade tanba hari’i besik los uma fó ameasa ba ami-nia família, ne'ebé momentu ami selu osan US$150, depois sira mai muda ses, maibé sira tula fiu iha rin leten la metin no la dun seguru, entaun ikus mai monu tabele hela hanesan ne'e”, hatete nia.

Tanba ne'e, husu Prezidente EDTL.ep atu delega nia ekipa tékinku sira atubele hadi’a fiu ne'ebé fó perigu ba komunidade nia vida. (*)