Print this page

MAP Hahú Konkursu Públiku ba Fini Ektare 5.200

By September 15, 2021 989
 Ministru Agrikultura no Paskas (MAP), Pedro dos Reis. Ministru Agrikultura no Paskas (MAP), Pedro dos Reis. Foto Suplay

Tempotimor (Dili)-Ministériu Agrikultura no Peskas (MAP) hahú prosesu konkursu públiku fini ektare 5.200 ne'ebé sei haree liuba sidadaun  vulnerável.

Ministru Agrikultura no Paskas (MAP), Pedro dos Reis hatete, MAP la bele rai fini tanba sosa rai kleur aat, maibé prosesu konkursu ba fini ne'ebé mak prepara ba primeiru epoka udan atu monu rai ne'e iha hela.

"Ami só fó de'it ba área kultiva boot sira halo oituan-oituan, se hakarak fó ba Timor laran tomak osan la to'o, ne'ebé ami iha 5.200 ektare de'it mak ami bele fornese fini hanesan haree, batar, foremungu, fore-keli no forerai maibé fó ho kuantidade ne'ebé oituan liliu ba ema vulnerével sira", dehan nia hafoin partisipa reuniaun Konsellu Ministru iha Palásiu Governu, kuarta (15/09).

MAP halo mós demo área ezemplu Pilotu ba área kultiva boot liliu iha sistema irrigasaun sira ne'ebé iha atu ema halo tuir ba prátika agrikultura di'ak.

"Fini tender la'o hela maibé ami esforsu tenke lalais tanba udan monu rai ona", dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items