"Ministériu Finansa prevé tetu tinan fiskal 2022 ba Munisípiu Dili, hamutuk milliaun US$7,2 entaun ita haree alokasaun ne'e la sufisiénte ba atividade ne'ebé ita planea atu implementa iha tinan (2021) oin, entaun ita halo tan proposta adisionál hamutuk millaun US$13,5 atu finansia ba atividade ne'ebé ita planea ona”, informa António iha nia kna’ar fatin Matadoru-Dili, kinta (16/09).

Proposta adisionál husi Munisípiu Dili nian ba KROP ne'e foku ba programa sanulu maibé foku liuba programa rua hanesan programa Mão de Obra Postu Administrativu (PMOPA).

"Tinan 2022 ita fó prioridade ba PMOPA tanba programa ida ne'e foun no fó merese duni ba ita kontinua implementa iha munisípiu Dili iha agora tempu COVID-19 ne'e, tanba bele rekopa ekonómia komunidade nian, tanba ne'e orsamentu PMOPA ne'e mak pasa ita garante sei rekruta ema rihun-7 liu iha tinan 2022 hodi halo servisu kona-ba PMOPA refere”, esplika nia.

Nune'e programa sia seluk mak hanesan, programa seguransa nasionál, asesu justisa, boa governasaun no jestaun instituisionál, agrikulura, saúde, estrada no ponte, edukasaun no formasaun, igualidade jéneru no inkluzaun, no turizmu.

"Ne'ebé ita konta adisionál ba 2022 ne'e ba saláriu vensimentu ita husu rihun US$464, bem servisu milluan US$4, kapitál menór tetun OJE 2022 laiha ne'ebé adisionál ita tau de'it, rihun US$ 500. kapitál dezenvolvimentu US$6,6 transferénsia públika miliaun US$ 2,8 tanba ne'e adisionál pasa hamutuk ho tetu OJE 2022 Munisípiu Dili bele hetan milliaun US$ 20 resin”, hatete nia. (*)