"Ida mak turizmu no ospitalidade, segundu mak agrikultura no peska, terseiru petroleo minerál, no haat mak konetividade, area haat mak ita atu lori ba hanesan selling point" konetividade rasik ita-boot sira hatene ita-nia kruzeiru mai bebeik maibé ita-nia Portu sei transforma ba Portu turístiku”, dehan Manuel iha Salaun MTKI, Faról, sesta (17/09).

Koordenadór ne'e esplika sei hala'o nia kna’ar bazeia ba rezolusaun Governu nú 20/19, no hodi halo promosaun ba Aeroportu sira iha Timor-Leste.

"Ita ko'alia kona-ba Portu Tibar tenke ser halo promosaun para iha koneksaun entre iha Ázia Pasífiku, ita hakarak Aeroportu Dili, Baukau, Suai, Same ita ba halo duni promosaun hodi nune'e aban bairua keta iha karik no ita mós sei asina área agreement iha Dubai entre Timor-Leste ho United Arab Emirates ho ha'u hanoin katak ida ne'e mós esforsu ida rezultadu”, esplika nia.

Liuhusi promosaun sira ne'e bele liga merkadu lokál ba merkadu internasionál nune'e mós bele dada investedór sira hanesan, doméstiku, internasionál, inklui mós turizmu sira.

Dadaun ne'e ekipa primeiru aranka ona ba Dubai, iha loron 14 fulan-setembru, nune'e ekipa segundu mós sei aranka iha tempu badak. (*)