Kriasaun ba subsídiu ida-ne’e atu kompensa kustu regulár sira husi benefisiáriu sira relasiona ho transporte nomós atu hamenus despeza husi atribuisaun veíkulu sira Estadu nian no promove rasionalizasaun ba parke automóvel públiku. Montante mensál subsídiu nian ho valór US$25 ba funsionáriu públiku sira, US$50 ba Xefe sira Sesaun nian, US$75 ba Xefe sira Departamentu nian, US$100 ba Diretór-Nasionál sira no US$150 ba Diretór-Jerál sira”, informa Ministru Prezidénsia Konsellu Ministru, Fidelis Leite Magalhães, hafoin reuniaun Konsellu Ministru Estraordináriu iha Palásiu Governu, segunda (20/09).
Kalkula katak medida ne’e permite atu alkansa poupansa ida liu dolár amerikanu rihun-700 kona-ba kustu atuál akizisaun no manutensaun ba veíkulu sira no kombustivel nian. (*)