MOP Orienta IGE Identifika Mota Risku ba Inundasaun

Ekipamentu pejadu husi Institutu Jestaun Ekipamentus, Institutu Públiku (IGE,IP) hamos tula hela sedimentasaun iha mota laran. Ekipamentu pejadu husi Institutu Jestaun Ekipamentus, Institutu Públiku (IGE,IP) hamos tula hela sedimentasaun iha mota laran. Foto Suplay

Tempotimor (Dili)-Ministru Obras Publikas (MOP), Salvador Eugenio Soares, orienta ona ekipa Institutu Jestaun Ekipamentus, Institutu Públiku (IGE,IP) atu kontinua identifika no normaliza simultanamente mota iha kapitál, atu evita inundasaun bainhira akontese udan-boot.

 "Ha'u fó ona orientasaun ba IGE, atu kontinua halo identifikasaun ba mota risku inundasaun, atubele halo normalizasaun no hasai sedimentasaun, nune'e akontese udan boot, labele fó risku ba populasaun", dehan Ministru Salvador, iha Palásiu Governu, kinta (23/09).

Tanba ne’e, IGE hahú ona atividade iha mota sira ne'ebé identifikadu risku ba inundasaun hanesan Ponte Bekussi, Maloa no seluk tan iha kapitál Dili.

"Ita husu IGE antisipadamente prepara ekipamentus, pezadu iha mota no hahú servisu tanba udan hahú dadaun ona”, informa nia.

Aleinde ne'e Komisaun Nasionál Aprovizionamentu (CNA) hahú loke konkursu públiku atu halo rekuperasaun ba infraestrutura iha fatin liman ne'ebé hetan estragu tanba dezastre naturál ne'ebé akontese iha loron 04 Abríl.

Projetu iha área lima kompostu husi ponte no estrada ba maloa, estrada ai-lok laran ba RTK, estrada iha Ospital Nasional Guido Valadares (HNGV) nia kotuk, no estrada ligasaun tibar ba Ermera inklui ponte Bekussi-Bekora.

Ekipa task force finaliza ona dezeñu detalladu ba estrada iha Ponte CPLP ba Bebonuk, maibé sei aprezenta ba komisaun Administrasaun Fundu Infraestrutura (KAFI) atu aprova, hafoin CNA loke konkursu publiku. (*)

Rate this item
(0 votes)
Last modified on Thursday, 23 September 2021 13:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter