"Espera katak semana oin ami bele ona aprezenta nia dezeñu konsepsuál, e fim de Outubru hanesan ne'e bele lori ona ba grafiku hodi bele ona halo aprovasaun e tenderizasaun hodi halo ona ponte Bekussi foun”, informa Salvador Eugenio, iha Palásiu Governu, kuarta (22/09).
Tanba prosesu dezeñu Ponte Bekussi nia verifikasaun husi Ajénsia Dezenvolvimentu Nasionál (ADN) iha semana kotuk liuba simu ona no dadaun ne'e tama ba kontraksaun, nune'e iha ona esperansa ba semana oin aprezenta dezeñu konsepsual.
"Dezeñu ne'e verifikasaun husi ADN ne'e foin dadaun semana rua ka tolu liuba simu ona no agora kontraksaun ona, nune'e espera fim do Outubru bele atinje planu sira ne'e, tanba semana oin hanesan ne'e aprezenta ona dezeñu konsepsuál, no ita bele aselera hodi garante halo foun ponte Bekussi iha fim do Outubru”, dehan nia. (*)